فوتولار: سەناتتىڭ ءباسپاسوز قىزمەتى
نۇرلان بەكنازاروۆ ءوز سوزىندە پرەزيدەنت قاسىم-جومارت توقاەۆتىڭ باستاماسىمەن اۋقىمدى كونستيتۋتسيالىق رەفورمالار جۇزەگە اسىپ جاتقانى, پرەزيدەنتتىك ينستيتۋتتىڭ كونستيتۋتسيالىق-قۇقىقتىق مارتەبەسى جانە قر پارلامەنتى سەناتىنىڭ زاڭ شىعارۋ قىزمەتى تۋرالى ايتتى.
سەناتور نۇرلان بەكنازاروۆ تمد پارلامەنتارالىق اسسامبلەياسىنىڭ قۇقىقتىق ماسەلەلەر جونىندەگى تۇراقتى كوميسسياسىنىڭ وتىرىسىنا دا قاتىسىپ, ماسەلەلەردى باسقا ەلدەردەن كەلگەن پارلامەنتشىلەرىمەن بىرگە قاراپ, قۇقىقتىق ماسەلەلەر بويىنشا ساراپتامالىق قورىتىندىنى تىڭدادى.
كوميسسيا وتىرىسىندا نۇرلان بەكنازاروۆ وتباسىلىق-تۇرمىستىق زورلىق-زومبىلىق پروبلەمالارىن رەتتەيتىن ۇلگى زاڭ اكتىسىنىڭ جوباسىن ازىرلەۋ ماسەلەسىن كۇن تارتىبىنە ەنگىزۋ تۋرالى ۇسىنىس جاسادى. اتالعان باستامانى كوميسسيا مۇشەلەرى ءبىراۋىزدان قولدادى جانە تمد پاا ۇلگى زاڭ شىعارۋدىڭ كەلەشەك جوسپارىنا «وتباسىلىق-تۇرمىستىق زورلىق-زومبىلىققا قارسى ءىس-قيمىلدى قۇقىقتىق رەتتەۋ تۋرالى» ۇلگى زاڭ ازىرلەۋدى ەنگىزۋ تۋرالى شەشىم قابىلداندى. بۇل رەتتە اتالعان ۇلگى زاڭدى ازىرلەۋشى بولىپ قر پارلامەنتىنىڭ سەناتى بەلگىلەندى.
