فوتو: ۆيدەودان الىنعان كادر
وقيعا وتكەن جىلدىڭ ءساۋىر ايىندا ورداباسى اۋدانى تورتكۇل اۋىلىندا بولعان. 9-سىنىپ وقۋشىسىن ءوز مەكتەبىنىڭ 11-سىنىپ وقۋشىسى مەن 19 جاستاعى اۋىل تۇرعىنى بوپسالاعان. كۇدىكتىلەر مەكتەپ وقۋشىسىنان ينتيمدىك سۋرەتى جەلىگە شىقپاۋى ءۇشىن 1 ميلليون تەڭگە تالاپ ەتكەن.
كەيىنىرەك وقۋشىنىڭ ءمايىتى ارىقتان تابىلدى. ول ەكى جەرىنەن پىشاق جاراقاتىن العان ەكەن.
ءجاسوسپىرىم قىزدى ءولتىردى دەگەن كۇدىككە ەكى ەر بالا ءىلىندى. اپەللياتسيالىق سوت ۇكىمى القابيلەر قاتىسۋىمەن شىقتى. بۇعان دەيىن بەيبارىس 16 جىلعا سوتتالسا, تاسقىن باس بوستاندىعىنان شەكتەۋ جازاسىمەن قۇتىلعان ەدى. قوس تاراپ تا سوتتى قايتا قاراۋدى سۇراپ, اپەللياتسيالىق سوت ءتورت ايعا سوزىلدى.
تۇركىستان وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قىلمىس جاسادى دەپ ايىپتالعان كۇدىكتىلەرگە قاتىستى قىلمىستىق ءىس قارالدى. القابيلەر سوتىنىڭ نەگىزگى ايىپتالۋشىعا شىعارعان ۇكىمى وزگەرىسسىز قالدى. قر قىلمىستىق كودەكسىنىڭ 132-بابىنىڭ 4-بولىگىمەن, 194-بابىنىڭ 2-بولىگىنىڭ 2-تارماعىمەن, 99-بابىنىڭ 2-بولىگىنىڭ 10, 14-تارماقتارىمەن كىنالى دەپ تانىلىپ, وعان 16 جىلعا باس بوستاندىعىنان ايىرۋ جازاسى تاعايىندالدى. ول جازاسىن قىلمىستىق اتقارۋ جۇيەسىنىڭ قاۋىپسىزدىگى ورتاشا مەكەمەسىندە وتەيتىن بولادى.
ەكىنشى سوتتالۋشى قر قىلمىستىق كودەكسىنىڭ 434-بابىمەن كىنالى دەپ تانىلىپ, وعان 3 جىل مەرزىمگە باس بوستاندىعىنان ايىرۋ جازاسى تاعايىندالدى. سونداي-اق ول جازاسىن قىلمىستىق-اتقارۋ جۇيەسىنىڭ قاۋىپسىزدىگى ورتاشا مەكەمەسىندە وتەيتىن بولادى.
ۇكىم زاڭدى كۇشىنە ەنگەن جوق.
قىرمىزى جۇماعاليقىزى,
ەۇۋ ستۋدەنتى
