فوتو: اقتوبە وبلىسىنىڭ پوليتسيا دەپارتامەنتى
ءىىم وكىلدەرى وڭىرلەردەگى قىلمىستىڭ وسى تۇرىمەن كۇرەستى جولعا قويعان. وسى ماقساتتا جۇيەلى تۇردە مال بازارلارى مەن ەت ونىمدەرىن ساتاتىن ورىندار, مال سويۋ تسەحتارى تەكسەرىلىپ تۇرادى.
الماتى, تۇركىستان جانە باتىس قازاقستان وبلىستارىندا مال ۇرلىعىن كاسىپ ەتكەن قىلمىستىق توپتار انىقتالدى. قاسكۇنەمدەر ۇرلاعان مالدى جۇك كولىگىنە تيەپ, اكەتىپ وتىرعان. نەگىزگى كۇدىكتىلەردەن بولەك ۇرلانعان مالدى تاسىمالداۋشىلار جانە ساتىپ الۋشىلار دا ۇستالدى.
ناتيجەسىندە, بيىل جىل باسىنان بەرى مال ۇرلىعىمەن اينالىسقان 65-تەن استام ادام سوتتالدى. سوتتى بولعانداردىڭ جارتىسى 5 جىل مەرزىمگە تەمىر تورعا توعىتىلدى.
ەستەرىڭىزگە سالا كەتەيىك, 2019 جىلى مەملەكەت باسشىسىنىڭ تاپسىرماسى بويىنشا مال ۇرلىعى ءۇشىن جاۋاپكەرشىلىك كۇشەيتىلدى. قىلمىستىق كودەكسكە «مال ۇرلىعى» دەگەن جەكە باپ ەنگىزىلدى.
قۇقىقتىق جاۋاپكەرشىلىك كۇشەيتىلگەننەن بەرى قازاقستاندا سوڭعى 5 جىلدا مال ۇرلىعى 32%-عا تومەندەدى.
