فوتو: Almaty.tv
قۇقىق قورعاۋشىلاردىڭ مالىمەتىنشە, 52 جاستاعى ەر ادام قىزىلاعاش اۋىلىنداعى بالاباقشادا 9 جىلدان بەرى كۇزەتشى بولىپ جۇمىس ىستەگەن. ونىڭ 1994 جىلى «ادامعا قاساقانا اۋىر دەنە جاراقاتىن كەلتىرۋ» بابى بويىنشا ءىستى بولعانى انىقتالدى. بىراق اتالعان مالىمەتتى جۇمىس بەرۋشى تاراپ بىلمەگەن.
2010 جىلى پايدالانۋعا بەرىلگەن اتالعان نىساندا 3 پەن 5 جاسقا دەيىنگى 120 بالا تاربيەلەنىپ جاتىر.
اlmaty.tv سايتىنىڭ جازۋىنشا, ەگەر قىلمىستىق ءىس جابىلىپ, سوتتالۋشى جازاسىن وتەپ بولسا, مەملەكەتتىك پورتالدان «سوتتىلىعى جوق» دەگەن انىقتاما بەرىلە بەرەتىن كورىنەدى. الايدا ەل زاڭناماسى بويىنشا ناشاقورلىق, زورلىق-زومبىلىق, ادام ءولىمى مەن ادامعا قاساقانا اۋىر دەنە جاراقاتىن كەلتىرگەنى ءۇشىن ءىستى بولعاندارعا ءبىلىم وشاقتارىندا جۇمىس ىستەۋگە رۇقسات ەتىلمەيدى. سوندىقتان, پروكۋرور اكتىسى بويىنشا بۇرىن ءىستى بولعان ازامات جۇمىستان شىعارىلدى.
