فوتو: سۋ رەسۋرستارى جانە يرريگاتسيا مينيسترلىگى
مينيسترلىك ۆەدومستۆو ماماندارى قىتايلىق ارىپتەستەرىمەن ۇنەمى بايلانىستا ەكەنىن جەتكىزدى.
«قىتاي تاراپى ترانسشەكارالىق وزەندەر ارقىلى سەكۋندىنا 1400 تەكشە مەتر سۋ جىبەرگەندەرى تۋرالى حابارلادى. ەلدى مەكەندەردى سۋ باسۋ قاۋپى جوق. بۇگىندە بوران گيدروبەكەتى اۋماعىنداعى قارا ەرتىس وزەنىندە سۋ جىبەرۋ كولەمى سەكۋندىنا 1700 تەكشە مەتردى قۇرايدى, سۋدىڭ دەڭگەيى - 543 سم», دەپ جازدى قر سۋ رەسۋرستارى جانە يرريگاتسيا مينيسترلىگى
اعىن سۋدىڭ كەلۋىن ەسكەرە وتىرىپ, بوران اۋىلىنداعى قارا-ەرتىس وزەنىندەگى گيدرولوگيالىق ستانسادا سۋ دەڭگەيى كوتەرىلۋى مۇمكىن. وسكەمەن سۋ قويماسىنان (بۇقتىرما سۋ قويماسىنىڭ قارسى رەتتەگىشى) اعىزىلاتىن سۋ 500 م3/س-تان 800 م3/س دەيىن ۇلعايتىلدى.
جاعداي ءمينيستردىڭ ەرەكشە باقىلاۋىندا.
ايتا كەتسەك, ەرتەڭ مينيستر نۇرجان نۇرجىگىتوۆ شىعىس قازاقستان وبلىسىنا جۇمىس ساپارىمەن بارادى. ال بۇگىن وڭىردە ۆيتسە-مينيستر نۇرلان الدامجاروۆتىڭ جۇرگەنى بەلگىلى بولدى.
قىرمىزى جۇماعاليقىزى,
ەۇۋ ستۋدەنتى
