فوتو: تۇركىستان وبلىسىنىڭ اكىمدىگى
«تازاولكە», «كيەلى مەكەن», «جاسىل ايماق», «ونەگەلى ۇرپاق», ء«مولدىر بۇلاق» اپتالىقتارىندا 1408 اۋقىمدى ءىس-شارا وتكىزىلىپ, وعان 67 مىڭنان استام تۇرعىن قاتىستى.
سونداي-اق وبلىس بويىنشا 150 مىڭ ءتۇپ اعاش وتىرعىزىلىپ, 175 مىڭعا جۋىق اعاش اكتەلدى. سونىمەن قاتار 40 024 شارشى مەتر جاياۋ جۇرگىنشىلەر جولى تازارتىلىپ, 346 ساياباق پەن سكۆەر رەتكە كەلتىرىلدى. قالانىڭ بارلىق اۋداندارىندا 302 مىڭنان استام جەكە تۇرعىن ۇيلەر مەن 1767 الەۋمەتتىك نىسانداردىڭ اۋلالارى تازارتىلىپ, سۋ مەن وزەندەردى تازارتۋ جۇمىستارى جۇرگىزىلدى.
بۇگىن ەكواكتسيا قازىعۇرت اۋدانى, ساراپحانا اۋىلدىق وكرۋگىندە ورنالاسقان «ماڭگىلىك ەل» ساياباعىندا جالعاستى. اۋدان اكىمدىگىنىڭ ۇيىمداستىرۋىمەن وتكەن شاراعا مەملەكەتتىك جانە قوعامدىق قىزمەتكەرلەر, اۋداننىڭ بەلسەندى جاستارى, ەرىكتىلەر مەن اۋىل تۇرعىندارى قاتىسىپ, ارنايى تەحنيكالار جۇمىلدىرىلدى.
تازالىق ناۋقانىندا قاتىسۋشىلار 10 گا ساياباق اۋماعىن قوقىستان تازارتىپ, ءشوپ شابۋ جانە اعاش كەسۋ جۇمىستارىن جۇرگىزدى. اۋىل اقساقالدارى مەملەكەت باسشىسىنىڭ باستاماسىمەن اتقارىلىپ جاتقان بارلىق تازالىق جۇمىستارىنا وڭ باعاسىن بەرىپ, اۋىل تۇرعىندارىنا العىستارىن ءبىلدىردى.
قىرمىزى جۇماعاليقىزى,
ەۇۋ ستۋدەنتى
