سۋ تاسقىنى بولعان ايماقتىڭ وقۋشىلارىنا جازعى مەكتەپ ۇيىمداستىرىلادى

ءمينيستردىڭ ايتۋىنشا, وسى وقۋ جىلىن 3,8 ملن وقۋشى اياقتاعالى وتىر, ونىڭ ىشىندە, باستاۋىش سىنىپتاردا 374 مىڭ بالا, نەگىزگى مەكتەپتەردە 341 مىڭ وقۋشى جانە 186 مىڭ تۇلەك بار.

ءبىتىرۋشى تۇلەكتەر اراسىندا 7 704 وقۋشى «التىن بەلگىگە» ۇمىتكەر.

عاني بيسەمباەۆ قازاق تىلىندە العاش رەت وتكىزگەلى وتىرعان ارالىق ەمتيحان تۋرالى دا باياندادى. 

«بيىل 5-8, 10 سىنىپتاردا العاش رەت قازاق تىلىنە قاتىستى ارالىق ەمتيحاندار وتكىزىلەدى. سونداي-اق سۋ تاسقىنىنا بايلانىستى اتىراۋ, اقتوبە جانە سولتۇستىك قازاقستان وبلىستارىنان 3 581 وقۋشى ارالىق جانە قورىتىندى ەمتيحانداردان بوساتىلادى. قورىتىندى باعا جىلدىق بەلگىلەر نەگىزىندە قويىلادى. تج اياسىندا قاشىقتان وقىتىلعان 2 622 مەكتەپتىڭ 832 مىڭ وقۋشىسىنا 27-31 مامىر ارالىعىندا جازعى مەكتەپتىڭ جۇمىسى ۇيىمداستىرىلادى», دەدى مينيستر.

ال وقۋ جىلى ء«بىلىمىم – وتانىما» بىرىڭعاي سىنىپ ساعاتتارىن وتكىزۋمەن اياقتالسا, 25 مامىر كۇنى مەكتەپ تۇلەكتەرىنە ارنالعان «مەكتەبىم, ساعان مىڭ العىس!» اتتى ءىس-شارا وتكىزىلەدى.
 
9 جانە 11 سىنىپ تۇلەكتەرىنىڭ قورىتىندى ەمتيحاندارى 29 مامىردان 11 ماۋسىمعا دەيىن وتكىزىلەدى, ال اتتەستاتتاردى تاپسىرۋ سالتاناتتى ءراسىمى 12-15 ماۋسىمعا بەلگىلەندى.