يران پرەزيدەنت سايلاۋىن وتكىزەتىن كۇندى بەلگىلەدى

يراندا پرەزيدەنت سايلاۋىن وتكىزۋ گرافيگىن پرەزيدەنتتىڭ مىندەتىن ۋاقىتشا اتقارىپ جۇرگەن يراننىڭ ءبىرىنشى ۆيتسە-پرەزيدەنتى مۇحامماد موحبەر, سوت جۇيەسىنىڭ باسشىسى گولام حوسسەين موحسەني-ەدجەي مەن پارلامەنت سپيكەرى موحامماد باگەر گاليباف, سونداي-اق پرەزيدەنتتىڭ قۇقىقتىق ماسەلەلەر جونىندەگى ۆيتسە-پرەزيدەنتى موحامماد دەحگان مەن ۇكىمەت وكىلدەرى بەكىتكەن.

يران كونستيتۋتسياسىنىڭ 131-بابىنا سايكەس, ەگەر پرەزيدەنت ءوز مىندەتىن اتقارا الماسا, اتقارۋشى بيلىك ۋاقىتشا ءبىرىنشى ۆيتسە-پرەزيدەنتتىڭ قولىنا وتەدى, ول 50 كۇن ىشىندە جاڭا پرەزيدەنتتى سايلاۋدى ۇيىمداستىرۋعا مىندەتتى.

كەزدەسۋ جيىنىندا قاتىسۋشىلار اتقارۋشى دەلەگاتسيالاردى جاساقتاۋ, كانديداتتاردى تىركەۋ جانە سايلاۋ ناۋقاندارىن باستاۋدى قامتيتىن سايلاۋ پروتسەسىنىڭ كەستەسىن جاريالادى.

كەستەگە سايكەس, كانديداتتاردى تىركەۋ 30 مامىردان 3 ماۋسىمعا دەيىن جۇرگىزىلەدى. سودان كەيىن كانديداتتار 12-27 ماۋسىم ارالىعىندا سايلاۋالدى ۇگىت-ناسيحات جۇمىستارىن جۇرگىزۋى كەرەك.

بۇعان دەيىن يران پرەزيدەنتى يبراحيم رايسي مەن ونىڭ كومانداسىنىڭ كەيبىر مۇشەلەرى, سىرتقى ىستەر ءمينيسترى حوسەين امير ابدوللاحيان تەھراننان شامامەن 670 شاقىرىم جەردە ۆارزاكان اۋدانى ماڭىندا تىكۇشاق اپاتىنان قازا بولعانىن حابارلاعان ەدىك.