فوتو: ءانۋار ابىلعازيەۆ
جيىندا وبلىس اكىمى جايىق جاعاسىنداعى بوگەتتى كۇزەتۋ ءۇشىن تاۋلىك بويىنا كەزەكشىلىكتى كۇشەيتۋدى, دابىل بوگەت جارىلعان سوڭ ەمەس, دىمقىل تارتا باستاعاندا قاعىلۋ كەرەكتىگىن اتاپ ءوتتى. ءار ۋچاسكەدە ارنايى تەحنيكالار ساقاداي ساي تۇرۋ قاجەت ەكەنىن باسا ايتتى.
«قازىر يندەر اۋدانىندا سۋ دەڭگەيى ءتۇستى, الايدا ول ارقانى كەڭگە سالۋ كەرەك دەگەن ءسوز ەمەس. قازىر ءنوپىر سۋ ماحامبەت اۋدانىنا كەلدى. بوگەت استىنداعى ەسكى قۇبىرلار تۇرعان جەرلەرگە سالماق ءتۇسىپ, سۋ قاتتى قىسىممەن بوگەتتەردى جارىپ جاتىر. مۇنداي قاۋىپتى ورىندارعا كەزەكشىلىكتى كۇشەيتۋ كەرەك. ەندىگى كۇشتى اتىراۋ قالاسى قابىلدايدى. قالادا سۋ اۋداندارداعىداي جان-جاققا جايىلىپ كەتپەي, ءبىر ارنامەن وتەدى. قاتتى قىسىممەن كەلگەن سۋ ۇلكەن دەڭگەيگە كوتەرىلۋى مۇمكىن. كەزەكشىلىككە تۇرعان ماماندار ءبىر جەردە قالماي, ۋچاسكەنى تولىق قاداعالاۋ كەرەك. ءار كوورديناتور باسىندا ءجۇرسىن. قازىر جايباراقات وتىراتىن كەز ەمەس. سارىوزەك پەن سوكولوك ارناسى - قالانىڭ نەگىزگى قورعانىس قۇرىلىمى. ول جەرگە جەتۋ ءۇشىن ءبىراز ۋاقىت وتەدى. وقىس جاعداي بولا قالسا, ماماندار سول جەردە بولسىن. قالاعا تۇسەر سالماق كوبەيگەلى تۇر», دەدى سەرىك شاپكەنوۆ.
سەرىك شاپكەنوۆ جەتىسپەيتىن قۇرال-جابدىقتاردى تولىقتىرىپ, بوگەت باسىنداعى قاۋىپسىزدىك ەرەجەسىن ساقتاۋدى تاپسىردى.
جەدەل شتاب اتىراۋ وبلىسىندا 500 شاقىرىمنان استام بوگەت سالىنعانىن حابارلادى.
قازىر ءارتۇرلى ۇيىمداردىڭ 2000-نان استام قىزمەتكەرى, ەرىكتىلەر, اسكەري قىزمەتشىلەر تاۋلىك بويى كەزەكشىلىكتە تۇر.
