فوتو: theoryandpractice.ru
«ۆەدومستۆو قىزمەتكەرلەرى قۇقىق قورعاۋ ورگاندارىمەن بىرلەسىپ تۇراقتى نەگىزدە ينتەرنەت كەڭىستىگىنە مونيتورينگ جۇرگىزىپ كەلەدى. ناتيجەسىندە ءوزىنىڭ Instagram پاراقشاسىندا زاڭسىز لوتەرەيا ۇيىمداستىرعان پاۆلودارلىق بلوگەرگە قاتىستى اكىمشىلىك بۇزۋشىلىقتار تۋرالى حاتتاما جاسالدى. سونىمەن قاتار مينيسترلىك اكىمشىلىك قۇقىق بۇزۋشىلىق تۋرالى سوتقا تاعى 5 حاتتاما جولدادى. بۇدان بولەك 35-تەن استام جاعداي بويىنشا حاتتامالار دايىندالىپ جاتىر», دەلىنگەن حابارلامادا.
قازاقستان رەسپۋبليكاسىنىڭ «لوتەرەيالار جانە لوتەرەيا قىزمەتى تۋرالى» زاڭىنا سايكەس لوتەرەيا وپەراتورى نەمەسە ونىڭ اگەنتى ەمەس ادامنىڭ لوتەرەيا وتكىزۋىنە تىيىم سالىنادى. وسىعان بايلانىستى ازاماتتارعا زاڭسىز لوتەرەيانى, ونىڭ ىشىندە الەۋمەتتىك جەلىلەردە ۇيىمداستىرعانى ءۇشىن اكىمشىلىك جاۋاپكەرشىلىك قاراستىرىلعانىن ەسكەرتەمىز.
ەستەرىڭىزگە سالا كەتەيىك, جىل باسىندا جەتىسۋ وبلىسىنىڭ ەكى تۇرعىنى الەۋمەتتىك جەلىلەردە زاڭسىز لوتەرەيا قىزمەتىن ۇيىمداستىرعانى ءۇشىن جازالانعان ەدى.
