فوتو: Polisia.kz
پوليتسەيلەر «قۇقىقتىق ءتارتىپ» رەسپۋبليكالىق جەدەل-پروفيلاكتيكالىق ءىس-شاراسى بارىسىندا زاڭسىز ميگرانتتاردى انىقتادى.
«جۇمىس باستالعالى 832 كوشى-قون زاڭناماسىن بۇزۋشى اكىمشىلىك جاۋاپكەرشىلىككە تارتىلىپ, 83 شەتەلدىك قازاقستان رەسپۋبليكاسىنان شىعارىلدى. قازاقستان رەسپۋبليكاسىندا بولۋ ەرەجەلەرىن بۇزعانى ءۇشىن 319 شەتەلدىك جاۋاپكەرشىلىككە تارتىلدى. شەتەلدىكتەردىڭ قازاقستان رەسپۋبليكاسىندا بولۋىنىڭ زاڭدىلىعىن قامتاماسىز ەتۋ شارالارىن قولدانباعانى ءۇشىن 177 جۇمىس بەرۋشىگە ايىپپۇل سالىندى. قازاقستان رەسپۋبليكاسىنا شەتەلدىك جۇمىس كۇشىن تارتۋ ەرەجەلەرىن بۇزعان 23 جۇمىس بەرۋشى جاۋاپكەرشىلىككە تارتىلدى. قابىلداۋ بولىمىنە جەكە باسىن كۋالاندىراتىن قۇجاتى جوق 171 شەتەلدىك قابىلداندى», دەدى الماتى قالاسى بويىنشا كوشى-قون قىزمەتىنىڭ باسشىسى اسحات بۋتۋنچينوۆ.
ناتيجەسىندە ءبىر كۇندە 35 زاڭسىز ميگرانت دەپورتاتسيالاندى. سونداي-اق الماتىدا قازاقستاننان دەپورتاتسيالاۋ تۋرالى سوت شەشىمىن ورىنداماعان 21 شەتەلدىك ۇستالدى.
قىرمىزى جۇماعاليقىزى,
ەۇۋ ستۋدەنتى
