شىمكەنتتىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا وتكەن سوت وتىرىسىندا ءبىلىم مەكەمەسىنىڭ لاۋازىمدى قىزمەتكەرلەرىنە پەداگوگتەردىڭ ەڭبەگىنە اقى تولەۋ قورىنا بولىنگەن 48 ميلليون تەڭگە سوماسىندا بيۋدجەت قاراجاتىن جىمقىردى دەگەن ايىپ تاعىلدى.
قالالىق انتيكور حابارلاۋىنشا, سوت پروتسەسى سىبايلاس جەمقورلىق قۇقىق بۇزۋشىلىقتارىنىڭ الدىن الۋ ماقساتىندا قالالىق مەكتەپ ديرەكتورلارى مەن بۋحگالتەرلەرىنىڭ قاتىسۋىمەن وتكەن. ونىڭ 50-ءى سوت وتىرىسىنا ونلاين, قالعان 650-دەن استامى وففلاين قاتىسقان.
سوت ۇكىمىمەن بەلگىلەنگەن نورماتيۆتەن تىس جالاقىنى زاڭسىز اۋدارعانى, سونداي-اق ء"ولىپ قالعان ادامدارعا" جۇيەلى تولەمدەر ءۇشىن ديرەكتور ورىنباسارى مەن بۋحگالتەرگە 7 جانە 8 جىل باس بوستاندىعىنان ايىرۋ جازاسى تاعايىندالدى. ءبىلىم مەكەمەسىنىڭ ديرەكتورىنا جۇمىسىنا سالعىرت قاراعانى ءۇشىن 6,9 ميلليون تەڭگە ايىپپۇل سالىندى.
ۇكىم زاڭدى كۇشىنە ەنگەن جوق.
