Vesti.kz مالىمدەگەندەي, ءحابيبتىڭ 306 ميلليون 688 مىڭ 389 رۋبل (شامامەن 1,5 ميلليارد تەڭگەدەي) قارىزى بار. Mash باسىلىمى رەسەيدىڭ فەدەرالدىق سالىق قىزمەتى نۋرماگومەدوۆكە تيەسىلى Eagle FC پروموۋشەنى جانە سپورتشىنىڭ قايىرىمدىلىق قورىنىڭ ەسەپ-شوتىن بۇعاتتاعانىن حابارلادى.
ادۆوكات يگور بۋشمانوۆتىڭ سوزىنشە, سالىق تولەمەگەنى ءۇشىن نۋرماگومەدوۆ تۇرمەگە وتىرۋى دا مۇمكىن.
- ۇيىم سالىعىنان جالتارۋ - اۋىر قىلمىس. تولەنبەگەن سالىق سومماسى 10 ميلليوننان اسسا, بۇل ءۇشىن رف زاڭىنداعى 199-بابى بويىنشا 6 جىلعا دەيىن باس بوستاندىعىنان ايىرۋ تۋرالى زاڭ قاراستىرىلعان.
مۇنداي ءىستى رەسەيدىڭ تەرگەۋ كوميتەتى جۇرگىزەدى. ادەتتە ايىپكەر رەتىندە ۇيىم جەتەكشىسى جاۋاپقا تارتىلادى. سيرەك تۇردە - قۇرىلتايشى مەن باس بۋحگالتەر. ايىپكەر سالىق پەن ءوسىمدى تولىق تولەسە جازادان قۇتىلادى, - دەپ بەرەدى ادۆوكاتتىڭ ءسوزىن "سە".
