9 قاراشادا جامبىل وبلىسىنىڭ, قورداي اۋدانىنا قاراستى 40-شى «وتار» گارنيزونىنا ەلباسىمىز, قازاقستان قارۋلى كۇشتەرىنىڭ جوعارعى باس قولباسشىسى نۇرسۇلتان نازارباەۆتىڭ باستاماسىمەن قولعا الىنعان «جەڭىسكە قۇرمەت» مارافون اكتسياسى كەلىپ جەتتى. ۇلى جەڭىستىڭ 70 جىلدىعىنا ارنالعان مارافون ەلىمىزدىڭ ءىرى اسكەري گارنيزوندارىنا, ونىڭ ىشىندە جامبىل وبلىسىنداعى گۆاردەيسكي گارنيزونىنا كەلگەن بولاتىن.
وسىعان وراي, وتار اۋىلدىق وكرۋگى ورتالىعىندا سالتاناتتى ميتينگ ءوتىپ, وعان اۋدان باسشىلىعى, اسكەريلەر مەن جاۋىنگەر ينتەرناتسيوناليستەر, سوعىس جانە تىل ارداگەرلەرى قاتىستى. وتارداعى ۇلى وتان سوعىسى ارداگەرلەرىنە ارنالعان ەسكەرتكىشكە گۇل قويىلىپ, ءبىر مينۋتتىق ۇنسىزدىك جاريالاندى.
سالتاناتتى شارا وسىدان كەيىن گارنيزوننىڭ 30212 اسكەري بولىمىندە جالعاستى. ساپ تۇزەگەن وفيتسەرلەر قۇرامى مەن ساربازدار الدىنا اسكەري تارتىپكە ساي ساربازدار «جەڭىسكە قۇرمەت» مارافونىنىڭ سيمۆولىن الىپ شىقتى. جينالعان قاۋىم الدىندا 40-شى «وتار» اسكەري بازاسىنىڭ باستىعى, پولكوۆنيك د.ادىربەكوۆ ءسوز سويلەپ, بۇگىنگى شارانىڭ ماڭىزدىلىعىنا توقتالدى.
«ادامزات تاريحىنداعى ەڭ اۋىر قانتوگىستى سوعىس اياقتالعانىنا بيىل 70 جىل تولعالى وتىر. زارىقتىرىپ جەتكەن جەڭىس كۇنىنىڭ قادىرى ءبارىمىز ءۇشىن تىم قىمبات. بۇل كۇنى ەرلىككە باس ءيىپ, ەلدىگىمىزگە تاعزىم ەتۋ – يگى ءداستۇرىمىز. وسىنداي ماڭگى ۇمىتىلماس تاريحي ءساتتىڭ ءبىرى – 1941-1945 جىلدارداعى ۇلى وتان سوعىسىنداعى جەڭىس كۇنى», – دەدى اۋدان اكىمى ق.دوساەۆ.
اۋداندىق ءماسليحات حاتشىسى ب.الىمبەت تە جۇرەكجاردى قۇتتىقتاۋىن جەتكىزدى. الاڭدا ساپ تۇزەگەن ساربازدارعا ۇلى وتان سوعىسىنىڭ ارداگەرى ك.قوساقوۆ: «ەندى سوعىس بولماسىن, ەلىمىزدە تىنىشتىق پەن بەرەكە بولسىن», – دەگەن باتالى ءسوزىن ايتتى. گۆاردەيسكي قالاشىعى بويىنشا اۋعانستان سوعىسى ارداگەرلەرى قوعامىنىڭ توراعاسى س.نۇسقاباەۆ تا ءسوز سويلەپ, اسكەري رۋحتى جوعارى ۇستاۋعا شاقىردى. اسكەري ءبولىم ساربازدارى سالتاناتتى ساپپەن وتكەننەن كەيىن «باتىس» اسكەري وڭىرلىك قولباسشىلىعى وكىلدەرىنە كەرىمقۇل اقساقال مارافون اكتسياسىنىڭ سيمۆولى – اسكەري جالاۋدى تابىس ەتتى.
گۆاردەيسكي گارنيزونىنىڭ بىرنەشە اسكەري ءبولىمى دايىنداعان تەاترلاندىرىلعان كورىنىستەر كورەرمەن كوڭىلىنەن شىقتى.
ورالحان ءداۋىت,
«ەگەمەن قازاقستان».
جامبىل وبلىسى.
وسىعان وراي, وتار اۋىلدىق وكرۋگى ورتالىعىندا سالتاناتتى ميتينگ ءوتىپ, وعان اۋدان باسشىلىعى, اسكەريلەر مەن جاۋىنگەر ينتەرناتسيوناليستەر, سوعىس جانە تىل ارداگەرلەرى قاتىستى. وتارداعى ۇلى وتان سوعىسى ارداگەرلەرىنە ارنالعان ەسكەرتكىشكە گۇل قويىلىپ, ءبىر مينۋتتىق ۇنسىزدىك جاريالاندى.
سالتاناتتى شارا وسىدان كەيىن گارنيزوننىڭ 30212 اسكەري بولىمىندە جالعاستى. ساپ تۇزەگەن وفيتسەرلەر قۇرامى مەن ساربازدار الدىنا اسكەري تارتىپكە ساي ساربازدار «جەڭىسكە قۇرمەت» مارافونىنىڭ سيمۆولىن الىپ شىقتى. جينالعان قاۋىم الدىندا 40-شى «وتار» اسكەري بازاسىنىڭ باستىعى, پولكوۆنيك د.ادىربەكوۆ ءسوز سويلەپ, بۇگىنگى شارانىڭ ماڭىزدىلىعىنا توقتالدى.
«ادامزات تاريحىنداعى ەڭ اۋىر قانتوگىستى سوعىس اياقتالعانىنا بيىل 70 جىل تولعالى وتىر. زارىقتىرىپ جەتكەن جەڭىس كۇنىنىڭ قادىرى ءبارىمىز ءۇشىن تىم قىمبات. بۇل كۇنى ەرلىككە باس ءيىپ, ەلدىگىمىزگە تاعزىم ەتۋ – يگى ءداستۇرىمىز. وسىنداي ماڭگى ۇمىتىلماس تاريحي ءساتتىڭ ءبىرى – 1941-1945 جىلدارداعى ۇلى وتان سوعىسىنداعى جەڭىس كۇنى», – دەدى اۋدان اكىمى ق.دوساەۆ.
اۋداندىق ءماسليحات حاتشىسى ب.الىمبەت تە جۇرەكجاردى قۇتتىقتاۋىن جەتكىزدى. الاڭدا ساپ تۇزەگەن ساربازدارعا ۇلى وتان سوعىسىنىڭ ارداگەرى ك.قوساقوۆ: «ەندى سوعىس بولماسىن, ەلىمىزدە تىنىشتىق پەن بەرەكە بولسىن», – دەگەن باتالى ءسوزىن ايتتى. گۆاردەيسكي قالاشىعى بويىنشا اۋعانستان سوعىسى ارداگەرلەرى قوعامىنىڭ توراعاسى س.نۇسقاباەۆ تا ءسوز سويلەپ, اسكەري رۋحتى جوعارى ۇستاۋعا شاقىردى. اسكەري ءبولىم ساربازدارى سالتاناتتى ساپپەن وتكەننەن كەيىن «باتىس» اسكەري وڭىرلىك قولباسشىلىعى وكىلدەرىنە كەرىمقۇل اقساقال مارافون اكتسياسىنىڭ سيمۆولى – اسكەري جالاۋدى تابىس ەتتى.
گۆاردەيسكي گارنيزونىنىڭ بىرنەشە اسكەري ءبولىمى دايىنداعان تەاترلاندىرىلعان كورىنىستەر كورەرمەن كوڭىلىنەن شىقتى.
ورالحان ءداۋىت,
«ەگەمەن قازاقستان».
جامبىل وبلىسى.
