فوتو: polisia.kz
توتەنشە وقيعا 9 مامىر كۇنى بولعان. ماس كۇيدەگى ەر ادام تۇركىستان وبلىسىندا بىرەۋدىڭ كولىگىن ۇرلاپ اكەتىپ, جولدا اۆاريالىق جاعداي تۋعىزعان.
الدا بولۋى ىقتيمال جول-كولىك وقيعاسىنىڭ الدىن الۋ ءۇشىن پاترۋلدىك پوليتسيا ينسپەكتورلارى اسىل كەڭەس پەن باعلان دۇيسەباي ونىڭ جولىن قىزمەتتىك اۆتوكولىكپەن جاۋىپ, ناتيجەسىندە كولىكتەر سوقتىعىسقان.
«كورشى وبلىستاعى ارىپتەستەرىمىزدەن ۇرلانعان كولىك تۋرالى حابار ءتۇستى. رولدەگى ادامنىڭ ماس كۇيدە ەكەنىن بىردەن تۇسىندىك. قاۋىپتى جۇرگىزۋشىنى توقتاتۋ ءۇشىن جولىن جاپتىق. بۇنى جول قوزعالىسىنىڭ وزگە دە قاتىسۋشىلارىنىڭ قاتىسۋىمەن قايعىلى سالداردى بولدىرماۋ مەن ازاماتتاردىڭ اماندىعى ءۇشىن جاسادىق», دەدى وفيتسەرلەر.
كولىكتى ماساڭ حالدە باسقارعانى جانە پوليتسيا قىزمەتكەرلەرىنىڭ زاڭدى تالابىن ورىنداماعانى ءۇشىن ۇرلانعان كولىكتى تىزگىندەگەن ەر ادام جاۋاپقا تارتىلدى.
ءىىم اۆتوكولىكتى ۇرلاۋ فاكتىسىن تۇركىستان وبلىسىنىڭ ءتارتىپ ساقشىلارى تەرگەپ جاتقانىن ءمالىم ەتتى.
