اقپاراتتار اعىنى

ء*بىر جىلدا ەلىمىزدىڭ قور بير­جاسىندا ساۋدا-ساتتىق كولەمى ەداۋىر ءوستى. سوڭعى دەرەكتەرگە قاراعاندا, بيرجادا بارلىق سەكتورلار بويىنشا ساۋدا-ساتتىق اينالىمى 46 692,8 ملرد. تەڭگەنى قۇراعان. بۇل – 2013 جىلدىڭ سايكەس كەزەڭىمەن سالىستىرعاندا 45,9 پايىزعا ارتىق. *وتكەن جىلى اكىمشىلىك ايىپ­پۇلداردىڭ جالپى سوماسى 26 ملرد. تەڭگەدەن استى. ءىىم اكىمشىلىك پولي­تسيا كومي­­­تە­تىنىڭ توراعاسى يگور لەپەحانىڭ ايتۋىنشا, بىلتىر 3 ملن. 326 مىڭ اكىمشىلىك قۇقىق بۇزۋشىلىق انىقتالعان. مۇنىڭ 2 ملن.­ 321-ءى جول قوزعالىسى ەرەجەسى سالاسىنا قاتىستى بولىپ وتىر. *ەلىمىزدە 43,6 ملرد. تەڭگەءنىڭ 7 802 نىسانى زاڭداستى­­­­­رىلدى. قارجى مينيسترلىگىنىڭ ءباسپاسوز قىزمەتى م ۇلىكتى جاريا ەتۋگە بايلانىستى جەرگىلىكتى اتقا­رۋشى ورگاندار جانىنداعى كوميسسيالارعا 2015 جىلعى 8 قاڭتارداعى جاعداي بويىنشا جالپى قۇنى 124,9 ملرد. تەڭگە بولاتىن 16 046 ءوتىنىش كەلىپ تۇسكەنىن مالىمدەدى. * بىلتىر استانالىق كاسىپ­كەرلەرگە كەڭىنەن قولداۋ كورسەتىلدى. قالالىق كاسىپكەرلەر پالاتاسىنىڭ ديرەكتورى مەيىربەك ءماجيتوۆ ءمالىم ەتكەندەي, «بيزنەستىڭ جول كارتاسى-2020» باعدارلاماسى اياسىندا ەلوردالىق كاسىپكەرلەر ەكىنشى دەڭگەيلى بانكتەر ارقىلى 120 ملن. تەڭگە كولەمىندە جەڭىلدەتىلگەن نەسيەلەر العان. *قاراعاندىدا قيىندىققا تاپ بولعاندارعا 12,6 ملن. تەڭگە قاراس­تىرىلدى. قالا اكىمىنىڭ ورىنباسارى يرينا ليۋبارسكايا ءتۇرلى اپات نەمەسە ءتىلسىز جاۋ سالدارىنان ازاماتقا (وتباسىنا) نەمەسە ونىڭ مۇلكىنە زيان كەلتىرىلگەن جاعدايدا الەۋمەتتىك كومەك وقيعا ورىن العان ساتتەن باستاپ ءبىر جىل ىشىندە بەرىلەتىنىن, بۇل ءبىر رەتتىك جاردەماقىنىڭ شەكتى مولشەرى 100 ايلىق ەسەپتىك كورسەتكىش كولەمىندە بولاتىنىن جەتكىزدى. *وڭتۇستىك قازاقستاندا بالىق شارۋاشىلىعىن دامىتۋدىڭ ءىس-شاراسى بەكىتىلدى. وبلىس اكىمدىگى ءباسپاسوز قىزمەتىنىڭ دەرەگى بويىنشا, 2015-2016 جىلدارعا ارنالعان وسى جوسپاردىڭ اياسىندا وڭىردە 27 تاۋارلى بالىق شارۋاشىلىعى قۇرىلادى. جوبانى جۇزەگە اسىرۋ ءۇشىن «ماكسيمۋم» ايماقتىق ينۆەستيتسيالىق ورتالىعى» 400 ملن. تەڭگە كولەمىندە نەسيە بەرمەك. ناقتىسىن ايتقاندا, بالىق وسىرۋمەن اينالىسامىن دەگەن ازاماتتار ءۇشىن جە­ڭىلدەتىلگەن پايىزبەن بەس جىل مەرزىمگە دەيىن نەسيە الۋعا مۇمكىندىك بار. *قىزىلوردادا جاڭا جۇمىس ورىندارىن اشۋ جوسپارى ارتى­عى­مەن ورىندالدى. وبلىستىق ەكونومي­كا جانە بيۋدجەتتىك جوسپارلاۋ باسقار­ماسىنىڭ باسشىسى ساۋلە ق ۇلىمبەتوۆا اتاپ كورسەتكەندەي, ناقتى سەكتوردا جاڭا وندىرىستەر اشۋ, شاعىن بيزنەستى دامىتۋ جانە الەۋمەتتىك نىسانداردى پايدالانۋعا بەرۋ ەسەبىنەن ءوڭىر بويىن­شا 10 600 جاڭا جۇمىس ورنى قۇرىلعان. *باتىس قازاقستاندا ەسكى مەكتەپ كۇردەلى جوندەۋدەن ءوتتى. ورال قالاسىنا قاراستى «كرۋگلووزەرنىي» كەنتىندەگى ابدەن توزىعى جەتكەن مەكتەپ عيماراتىن قايتا قالپىنا كەلتىرۋگە 170 ملن. تەڭگە جۇمسالعان. قالا اكىمى التاي كولگىنوۆ ەندى مۇندا اۋىل بالالارىنىڭ الاڭسىز ءبىلىم الۋلارىنا, دەنەشىنىقتىرۋ ءپانىن ءتيىستى تالاپتارعا ساي وتكىزۋگە بارلىق جاعداي بار ەكەنىن ايتتى. حابارلار ۇكىمەت, وبلىستىق اكىمدىكتەر سايتتارى مەن «قازاقپارات» اگەنتتىگىنىڭ دەرەكتەرى بويىنشا دايىندالدى.