اكىمنەن قامزول كيدى...

تاتيانا بۋرماتوۆا 1920 جىلى سۆەردلوۆ وبلىسىنىڭ بوگدانوۆيچ قالاسىندا دۇنيەگە كەلىپتى. 1941 جىلى تەحنيكۋمدا وقىپ جۇرگەن جەرىنەن اسكەر قاتارىنا شاقىرىلعان. سودان سوعىس باستالادى. №1725 زەنيتتىك ارتيللەريا پولكىندە پۋلەمەتشى بولادى. سوعىستان كەيىن تەلەگرافيست بولىپ جۇمىس ىستەيدى. 1949 جىلدان بەرگى ءومىرى ءبىزدىڭ ەلىمىزدە جالعاسىپ, ەكىباستۇزدىق اتانادى. سوعىس ارداگەرى تاتيانا ميحايلوۆنا «1941-1945 جىلدارداعى ۇلى وتان سوعىسىندا گەرمانيانى جەڭگەنi ءۇشiن», «ەڭبەكتەگى ەرلىگى ءۇشىن»,  «ەرەن ەڭبەگى ءۇشىن»   مەدالدارىمەن جانە مەرەيتويلىق مەدالدارمەن ماراپاتتالعان. جۋىردا 95 جاسقا تولعان تاتيانا اجەيدى قالا اكىمى الەكساندر ۆەربنياك مەرەيتويىمەن قۇتتىقتادى. يىعىنا قازاقى داستۇرمەن ويۋلى ادەمى قامزول جاپتى, اقشالاي سىيلىق پەن گۇل شوعىن تابىس ەتتى. سوعىسقا قاتىسىپ, باتىلدىق پەن قاھارماندىق كورسەتكەن ارداگەرگە دەنساۋلىق تىلەدى. – وتان سوعىسىنىڭ 70 جىلدىق مەرەكەسىنە وراي قالامىزدا تۇراتىن 25 سوعىس ارداگەرىنىڭ پاتەرلەرىنە 18 ميلليون تەڭگەگە جوندەۋ جۇمىستارى جۇرگىزىلدى, – دەيدى قالا اكىمى ءوز سوزىندە. – ارداگەرلەر ەلباسى اتىنان جانە قالا اكىمىنەن جاڭاجىلدىق سىيلىقتار الدى. فاريدا بىقاي, «ەگەمەن قازاقستان». پاۆلودار وبلىسى, ەكىباستۇز قالاسى.