استانادا مەملەكەت باسشىسىنىڭ وسى تاپسىرماسىن ورىنداۋ اياسىندا مينيستر ساياسات نۇربەك لوتارينگيا ۋنيۆەرسيتەتىنىڭ (Université de Lorraine, فرانتسيا) دەلەگاتسياسىمەن كەزدەستى.
تاراپتار ۋنيۆەرسيتەتتەر اراسىنداعى ىنتىماقتاستىقتىڭ نەگىزگى ماسەلەلەرىن تالقىلاپ, لوتارينگيا ۋنيۆەرسيتەتىنىڭ Abai University بازاسىندا قۇقىق, پەداگوگيكا جانە مەملەكەتتىك باسقارۋ سالاسىنداعى فيليالىن قۇرۋعا ەرەكشە نازار اۋداردى. كەزدەسۋ بارىسىندا ساياسات نۇربەك شەتەلدىك قوناقتارعا قازاقستاننىڭ جوعارى ءبىلىم جانە عىلىم سالاسىنداعى, اتاپ ايتقاندا شەتەلدىك جوعارى وقۋ ورىندارىنىڭ فيليالدارىن اشۋ جونىندەگى جوسپارلارىمەن تانىستىردى, وندا شەتەلدىك جوعارى وقۋ ورىندارىمەن ستراتەگيالىق ارىپتەستىك شەڭبەرىندە قازاقستان تەحنيكالىق وقۋ ورىندارىن قۇرۋعا باسىمدىق بەرەتىنىن اتاپ ءوتتى.
ء«بىز شەتەلدىك سەرىكتەستەرىمىز ءوز كامپۋستارىن اشىپ, جەرگىلىكتى ۋنيۆەرسيتەتتەردى حالىقارالىق ۋنيۆەرسيتەتتەرگە اينالدىرۋعا كومەكتەسۋ ءۇشىن تولىق سەرىكتەستىككە قول جەتكىزگىمىز كەلەدى», دەپ اتاپ ءوتتى مينيستر.
كەزدەسۋدە Abai University بازاسىندا قۇقىق, پەداگوگيكا جانە مەملەكەتتىك باسقارۋ سالاسىندا لوتارينگيا ۋنيۆەرسيتەتىنىڭ فيليالىن قۇرۋ تۋرالى كەلىسىمگە قول قويىلدى. قول قويۋعا ۋنيۆەرسيتەت رەكتورى بولات تىلەپ جانە لوتارينگيا ۋنيۆەرسيتەتى پرەزيدەنتىنىڭ تاپسىرماسى بويىنشا قۇقىق, ەكونوميكا جانە مەملەكەتتىك باسقارۋ ينستيتۋتىنىڭ ديرەكتورى پەر تيفين قاتىستى.
فرانتسۋز ۋنيۆەرسيتەتىمەن ستراتەگيالىق ارىپتەستىك شەڭبەرىندە پەداگوگيكا, حالىقارالىق قۇقىق جانە مەملەكەتتىك باسقارۋ سالاسىنداعى باكالاۆريات پەن ماگيستراتۋرانىڭ قوس ديپلومدى باعدارلامالارى, سونداي-اق ءبىلىم الۋشىلاردىڭ اكادەميالىق ۇتقىرلىعى, ونىڭ ىشىندە ەرازمۋس+, بىرلەسكەن زەرتتەۋ جانە ءبىلىم بەرۋ جوبالارى شەڭبەرىندەگى عالىمداردىڭ ىنتىماقتاستىعى, «اباي-ۆەرن», بولاشاق «500 عالىم» ستيپەنديالىق باعدارلامالارىنا قاتىسۋ كوزدەلگەن.
