پاۆلوداردا سۋرەت كورمەسى وتكىزىلدى

پاۆلودار. 10 قاڭتار. پاۆلودارداعى سۋرەتشىلەر وداعى قوعامدىق بىرلەستىگىنىڭ عيماراتىندا كورمە زالى اشىلدى. بۇل تۋرالى egemen.kz ءتىلشىسى حابارلادى. جەرگىلىكتى سۋرەتشىلەردىڭ تۋىندىلارى «ەۋرازيا ارت: ونەردىڭ ۇلى وزەنى» اتتى تاقىرىپتا ەرتىس وزەنىنىڭ بويىنداعى قىتاي, قازاقستان, رەسەي سۋرەتشىلەرى ءۇشىن ۇيىمداستىرىلعان كورمەگە قويىلدى. كورمە زالىنان ومبىدا وتكەن «ونەردىڭ ۇلى وزەنى», سەمەي, وسكەمەن, اتىراۋدا, سونداي-اق ءا.قاستەەۆتىڭ 80 جىلدىعىنا وراي وتكەن كورمە تۋىندىلارىن كورۋگە بولادى. ايتا كەتەيىك, مايسا ىقىلاسوۆا ومبىداعى ءسىبىر-قازاق مادەني ورتالىعىنىڭ شاقىرۋىمەن ومبىدا سۋرەت كورمەسىن وتكىزگەن. ال قازىر قىتايدىڭ ءۇرىمشى قالاسىندا سۋرەتشىلەر ءانۋار يگەمباەۆ, وسەرباي شۇرانوۆ, عالىم قارجاسوۆ, ە.فريدلين, ۆ.پوليكارپوۆ جانە ج.قابىلدينوۆتاردىڭ قاتىسۋىمەن كورمە وتكىزىلۋدە. وبلىستىق سۋرەتشىلەر وداعى قوعامدىق بىرلەستىگىنىڭ عيماراتىنان جەتى سۋرەتشىگە شەبەرحانا بەرىلىپتى. بۇل ءتۇرلى تاقىرىپتار اياسىندا قىلقالام شەبەرلەرىنىڭ شىعارماشىلىقتارىن  كورسەتۋگە ۇلكەن كومەك. فاريدا بىقاي. دەرەك: egemen.kz. سۋرەت: newskaz.ru.