چەللەندج ماقساتى - وسكەلەڭ ۇرپاقتىڭ بويىندا ەكولوگيالىق مادەنيەتتى قالىپتاستىرۋ, وقۋشىلاردىڭ قورشاعان ورتاعا دەگەن سۇيىسپەنشىلىگىن وياتۋ, سونداي-اق تابيعاتقا ۇقىپتىلىقپەن قاراۋعا تاربيەلەۋ. كوشەتتەردى وتىرعىزۋ ءوڭىردىڭ بارلىق ءبىلىم بەرۋ ۇيىمدارىندا جۇزەگە اسىرىلادى. 
پاۆلودار قالاسىنىڭ م. ءجۇسىپ ورتا مەكتەبىنىڭ جانە اباي اتىنداعى دارىندى بالالارعا ارنالعان گيمنازيانىڭ تۇلەكتەرى ءوز مەكتەپتەرىنىڭ اۋماعىنا قايىڭ, قاراعاي, جەمىس اعاشتارىنىڭ كوشەتتەرىن وتىرعىزدى. بۇل اكتسيانى تۇلەكتەردىڭ اتا-انالارى دا قولدادى.
