فوتو:gov.kz
قوناقتار مەن قالا تۇرعىندارىنىڭ نازارىنا الەمدى جاساندى ينتەللەكت كوزىمەن بەينەلەيتىن 50 ەرەكشە سۋرەت – ەكولوگياعا جاۋاپسىز كوزقاراستى كورسەتىپ قانا قويماي, قورشاعان ورتاعا قامقورلىق جاساۋعا شاقىرادى.
قازىرگى جاعدايدى جانە بولاشاقتى بەينەلەيتىن GPT چاتىمەن جاسالعان كارتينالار ءارتۇرلى ستيلدە جاسالعان. جاساندى ينتەللەكت بولاشاقتى قالاي بەينەلەيتىنى قوناقتار مەن قالا تۇرعىندارىن ەرەكشە قىزىقتىردى.
ءىس-شارا شەڭبەرىندە بەلگىلى ەكوبەلسەندى شاساليم شاگاليموۆ ەلوردا تۇرعىندارى ءۇشىن تابيعاتقا جاناشىرلىق تاقىرىبىندا ءدارىس وقىدى.
«ەلىمىز ءۇشىن ەكولوگيا وتە ماڭىزدى ماسەلە. پروبلەمالاردىڭ وڭ شەشىمىن قالاداعى كوممۋنالدىق قىزمەتتەر عانا ەمەس, تۇرعىندار دا قولداۋى ءتيىس. كولىك تەرەزەسىنەن لاقتىرىلعان نەمەسە ارنايى جاشىككە سالىنباعان كىشكەنە قوقىستىڭ ءوزى ەكولوگياعا, جولدارعا, كوشەلەرگە, جالپى قالامىزدىڭ كەلبەتىنە تەرىس اسەر ەتەتىنىن ۇمىتپاۋىمىز كەرەك. قورشاعان ورتاعا, تابيعاتقا قۇرمەتپەن قاراۋعا, جاقسى ەكولوگيا ۇلت دەنساۋلىعىنا تىكەلەي اسەر ەتەتىنىن ەستە ساقتاۋعا شاقىرامىن», دەدى ش.شاگاليموۆ.
ەستەرىڭىزگە سالايىق, اۋقىمدى ەكواكتسيا اياسىندا قالانى سانيتارلىق تازارتۋ, نوسەر جانە ارىق جەلىلەرى, كوشەلەردى, تروتۋارلاردى, كۆارتالىشىلىك اۋماقتاردى, قوعامدىق كەڭىستىكتەر مەن اۋلالاردى تازالاۋ جۇمىستارى جۇرگىزىلىپ جاتىر.
سونداي-اق جاسىل جەلەكتەردى كۇتىپ-ۇستاۋ جانە وتىرعىزۋ, ساۋدا نىساندارىنا ىرگەلەس اۋماقتاردى جيناۋ, كوگالدار مەن گۇلزارلار ورناتۋ, رۇقسات ەتىلمەگەن پوليگونداردى جويۋ جانە ت.ب. جۇمىستار جالعاسىن تاۋىپ وتىر.
