بولاشاق ستۋدەنتتەر ۋنيۆەرسيتەتتىڭ ءبىلىم بەرۋ باعدارلامالارىمەن, ينفراقۇرىلىمىمەن جانە پەداگوگيكالىق ءبىلىم بەرۋگە قاتىستى, سونداي-اق باكالاۆريات, ماگيستراتۋرا جانە دوكتورانتۋراعا ارنالعان ءبىلىم بەرۋ باعدارلامالارى جانە ۋنيۆەرسيتەت ستۋدەنتتەرىنىڭ كاسىبي قابىلەتىن شىڭداۋعا بايلانىستى مازمۇندى اقپاراتتارمەن تانىستى.
اشىق ەسىك كۇنى بولاشاق ستۋدەنتتەرگە ۋنيۆەرسيتەتتىڭ اكادەميالىق جانە مانساپتىق ماقساتتارىنا قانشالىقتى سايكەس كەلەتىنىن تۇسىنۋگە قولايلى جاعداي جاسالدى. الەمدىك ستاندارتتارعا ساي ماماندار دايارلاۋعا باعىتتالعان 180-نەن استام ءبىلىم بەرۋ باعدارلامالارى, سونىمەن قاتار قوس ديپلوم جانە اكادەميالىق ۇتقىرلىق باعدارلامالارى ءبىلىم بەرۋدىڭ ءار كەزەڭىندە ءبىلىم الۋشىلاردىڭ كاسىبي ءبىلىمىن شىڭداپ, ولاردىڭ مانساپ جولىنداعى قاجەتتى داعدىلارىن دامىتۋعا ىقپال ەتەدى.
حالىقارالىق ستاندارتتار مەن ەڭبەك نارىعىنىڭ تالاپتارىنا جاۋاپ بەرەتىن جاڭا فورماتسياداعى پەداگوگيكالىق كادرلاردى دايارلايتىن ۋنيۆەرسيتەت ەلىمىزدىڭ تۇكپىر-تۇكپىرىنەن كەلگەن مۇعالىمدەردىڭ بىلىكتىلىگىن ارتتىرۋ جانە قايتا دايارلاۋ جۇمىستارىن بەلسەندى ىسكە اسىرىپ كەلەدى.
ۋنيۆەرسيتەت وكىلدەرى تالاپكەرلەر مەن ولاردىڭ اتا-انالارىنىڭ سۇراقتارىنا ەگجەي-تەگجەيلى جاۋاپ بەرىپ, ءبىلىم بەرۋ باعدارلامالارى تۋرالى ماڭىزدى اقپاراتتارىن ءبولىستى.
الماتى
