فوتو: دەنيس تىرين
«قازاقستان مەن انگليادا الەمدىك دەڭگەيدەگى كاسىبي بالالار فۋتبول اكادەمياسىن قۇرۋ مەنىڭ جەكە ۇلكەن ارمانىم ەدى, وندا ەڭ ۇزدىك ءارى تالانتتى جاس فۋتبولشىلار مەن بولاشاق جۇلدىزدار تاربيەلەنەدى. اكادەميادا وقۋ تولىعىمەن تەگىن بولادى, جاس سپورتشىلار ەلىمىزدەگى جانە فۋتبولدىڭ وتانى – انگلياداعى ەڭ ۇزدىك جاتتىقتىرۋشىلاردان وقىپ-ۇيرەنۋگە مۇمكىندىك الادى», دەپ ءتۇسىندىردى م.لومتادزە.
سونداي-اق ول فۋتبول سپورتىنىڭ شەبەرلىكتى شىڭداۋعا زور الەۋەتى بار بۇقارالىق ويىن-ساۋىق ءتۇرى ەكەنىن اتاپ ءوتتى.
ء«بىزدىڭ فۋتبولدى زاماناۋي تەحنولوگيالار مەن جاساندى ينتەللەكت مۇمكىندىكتەرىن قولدانا وتىرىپ, يننوۆاتسيالىق بيزنەس قۇرۋداعى مەنىڭ تاجىريبەمدى پايدالانىپ, جاڭا دەڭگەيگە كوتەرۋگە بولاتىنىنا سەنىمدىمىن. ءبىز قازاقستان فۋتبولى ءۇشىن الەمدىك دەڭگەيدەگى جۇلدىزداردى تاربيەلەي الامىز دەپ ۇمىتتەنەمىن.
كەز كەلگەن فۋتبول اكادەمياسى وقۋشىلارىنىڭ ارمانى – فۋتبول كلۋبىنىڭ نەگىزگى قۇرامىندا ويناۋ. سوندىقتان فۋتبول كلۋبى جوق اكادەميانىڭ تابىسقا جەتۋگە مۇمكىندىگى دە جوق. قاراپايىم تىلمەن ايتقاندا, ءسىز اكادەميادا جاتتىعىپ, يكەم-داعدىلارىڭىزدى جەتىلدىرەسىز, ال كلۋبتىڭ نەگىزگى قۇرامىندا ويناۋعا مۇمكىندىك جوق. مەن ونى وزگەرتۋدى جوسپارلاپ وتىرمىن, ويتكەنى كلۋب تۇلەكتەرىمىزگە مۇمكىندىك بەرۋدى كوزدەيدى, ولار ءۇشىن كلۋب ۇلكەن فۋتبولعا جول اشاتىن ورىن بولادى», دەدى ميحايل لومتادزە.
