فوتو: baq.kz
بۇگىن وتكەن جيىندا انتيكور وسى باقىلاۋدى جۇزەگە اسىرۋ جوسپارىن تالقىلادى.
وزبەكستان مەن تاجىكستان جەتكىزۋشىلەرىنەن ازىق-ت ۇلىك, اۋىل شارۋاشىلىعى تاۋارلارىن تىكەلەي جەتكىزۋ مۇمكىندىكتەرى پىسىقتالدى. تاۋارلار تىكەلەي قازاقستان نارىعىنا دەلدالدارسىز جانە نەعۇرلىم قولجەتىمدى باعامەن جەتكىزىلەدى.
وسىعان بايلانىستى اگەنتتىك توراعاسى اسحات جۇماعالي اۋماقتىق بولىمشەلەرگە جەمقورلىق تاۋەكەلدەرى مەن ارەكەتىن بولدىرماۋ ماقساتىندا اتالعان پروتسەستەرگە مونيتورينگ جۇرگىزۋدى تاپسىردى.
«سىبايلاس جەمقورلىققا قارسى قىزمەت ورگاندارى كەز كەلگەن جەمقورلىق قۇقىق بۇزۋشىلىقتاردىڭ, ونىڭ ىشىندە, زاڭسىز پايدا الۋعا باعىتتالعان ءتۇرلى قۇقىققا قارسى سحەمالاردى قۇرۋعا بايلانىستى قۇقىق بۇزۋشىلىقتاردىڭ جولىن كەسەدى. باعا بەلگىلەۋگە تەرىس اسەر ەتەتىن جەمقورلىق فاكتورلارىنا, ونىڭ ىشىندە تاراپتاردىڭ ۇلەستەستىگىنە, مەملەكەتتىك اپپارات تاراپىنان نەگىزسىز اكىمشىلىك كەدەرگىلەر قۇرۋعا, نارىققا جوسىقسىز قاتىسۋشىلار تاراپىنان ايلا-شارعى جاساۋعا جانە تەرىس پايدالانۋعا ەرەكشە نازار اۋدارىلادى», دەپ جازدى انتيكور ءباسپاسوز قىزمەتى.
