فوتو: aikyn.kz
ماحامبەت اۋدانى اكىمدىگىنىڭ مالىمەتىنە سۇيەنسەك, مۇندا 9 وكرۋگتەگى 21 ەلدى مەكەندە 30 940 ادام تۇرادى. جايىق وزەنىنە جاقىن ورنالاسقان 17 اۋىلدىڭ ماڭىندا 105 شاقىرىم بوگەت سالىنعان.
«قازىر 15 مەكتەپتە ءدارىس الاتىن 6 288 وقۋشى ساباقتى ونلاين وقىپ ءجۇر. اۋداندا 22 ەۆاكۋاتسيالىق پۋنكت اشىلىپ, سۋ باسۋ قاۋپى تونسە, تۇرعىنداردى قابىلداۋعا دايىن تۇر. قاۋىپسىز ايماققا 5 400 ءتورت ت ۇلىك شىعارىلدى», دەپ حابارلادى اۋدان اكىمدىگى.
اۋدان اكىمى قايرات نۇرلىباەۆتىڭ ايتۋىنا قاراعاندا, جايىق وزەنىنىڭ جاعالاۋىندا كەزەكشىلەر ءۇشىن 40 بەكەت اشىلعان. سۋ ايدىنىنا جاقىن ماڭداعى اۋىلداردا جاعالاۋدى بەكىتۋ جۇمىسى جالعاسىپ جاتىر. وعان اسكەري بولىمدەردىڭ 651 ساربازى, توتەنشە جاعدايلار مينيسترلىگىنە قارايتىن قۇرىلىمداردان 200 قىزمەتكەر, 320 ەرىكتى مەن 108 تەحنيكا تارتىلعان.
«جايىق وزەنىنە كەلىپ جاتقان سۋ الدىن الا تازارتىلىپ, دايىندالعان كانالدارعا اعىپ جاتىر. بوگەتتەر, ساي, جىرالار اشىلدى. ازىرگە وزەندەگى سۋ دەڭگەيى قاۋىپتى شەگىنە جەتە قويعان جوق. بىراق الداعى كۇندەرى مول سۋ كەلۋى مۇمكىن», دەيدى قايرات نۇرلىباەۆ.
