فوتو: legalacts.egov.kz
ءىىم جەكە كۋالىكتىڭ الدىڭعى بولىگىنە ازاماتتاردىڭ جىنىسىن انىقتايتىن تارماق ەنگىزۋدى كوزدەيدى.
«قازاقستان رەسپۋبليكاسىنىڭ ازاماتى جەكە كۋالىگىنىڭ بەتكى جاعىندا قازاقستان رەسپۋبليكاسى ازاماتىنىڭ جەكە كۋالىگى يەسىنىڭ فوتوبەينەسى, قولى جانە دەربەس دەرەكتەرى: تەگى, اتى, اكەسىنىڭ اتى (بار بولسا), تۋعان كۇنى جىنىسى جانە جەكە سايكەستەندىرۋ ءنومىرى ورنالاسادى», دەلىنگەن اشىق نقا پورتالىندا.
ال ارتقى جاعىنا شتريح-كود تۇرىندە كودتالعان جسن جانە ازاماتتىعى تۋرالى دەرەكتەر ورنالاسادى.
«قازاقستان رەسپۋبليكاسى ازاماتىنىڭ جەكە كۋالىگىنىڭ سىرتقى جاعىندا شتريح-كود تۇرىندە كودتالعان جسن, ميكروسحەمانىڭ بايلانىس بولىگى, قازاقستان رەسپۋبليكاسى ازاماتىنىڭ جەكە كۋالىگى يەسىنىڭ تۋعان جەرى, ۇلتى جانە ازاماتتىعى تۋرالى دەربەس دەرەكتەرى, سونداي-اق قازاقستان رەسپۋبليكاسى ازاماتىنىڭ جەكە كۋالىگىن بەرگەن ورگان, بەرىلگەن كۇنى جانە قولدانىلۋ مەرزىمى تۋرالى مالىمەتتەر ورنالاسادى. قازاقستان رەسپۋبليكاسى ازاماتىنىڭ جەكە كۋالىگىندە ۇلتى قازاقستان رەسپۋبليكاسى ازاماتىنىڭ جەكە كۋالىگى يەسىنىڭ قالاۋى بويىنشا كورسەتىلەدى», دەلىنگەن جاريالانىمدا.
جوبا 21 مامىرعا دەيىن تالقىلاۋعا ۇسىنىلدى.
