فوتو: ۆيدەوسكرين. انتيكور.
بۇعان دەيىن استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ارنايى حقكو قىزمەتكەرلەرىنە, پوليتسيا قىزمەتكەرلەرىنە جانە ازاماتتىق تۇلعالارعا قاتىستى ۇكىم شىعارعان ەدى. ولار ۇيىمداسقان توپ قۇرىپ, توپقا باسشىلىق ەتكەن, مەملەكەتكە م ۇلىكتىك زالال كەلتىرگەن.
انتيكوردىڭ حابارلاماسىندا: «2022 جىلدىڭ قاڭتارىنان مامىرىنا دەيىن قىلمىستىق توپ شەتەلدەن اكەلىنگەن 462 اۆتوكولىكتى زاڭسىز تىركەگەن. مەملەكەتكە كەلتىرىلگەن جالپى شىعىن 1,2 ميلليارد تەڭگەنى قۇرايدى. سوت ۇكىمىمەن 32 ادام سوتتالدى, سونىڭ ىشىندە قىلمىستىق توپتىڭ ۇيىمداستىرۋشىلارى – استانا قالاسىنىڭ №2 مامانداندىرىلعان حقكو باسشىسى ش.بوكەباەۆ پەن استانا قالاسىنىڭ مامانداندىرىلعان حقكو ماماندارى ا.تام-وگلى جانە ح.تو-وگلى 9 جىلعا باس بوستاندىعىنان ايىرۋ جازاسىنا كەسىلدى. توپتىڭ بەس مۇشەسى 6 جىلعا باس بوستاندىعىنان ايىرۋ تۇرىندەگى, ال 17 «كومەكشى» باس بوستاندىعىنان ايىرۋ جانە شەكتەۋ تۇرىندەگى جازاعا تارتىلدى», دەلىنگەن.
سونداي-اق جەتى قىزمەتكەر 2 جىل 6 ايدان 3 جىل 6 ايعا دەيىن باس بوستاندىعىنان ايىرىلدى. ولار ارنايى اتاقتارىنان جانە ءومىر بويى مەملەكەتتىك قىزمەتتە ەڭبەك ەتۋ قۇقىعىنان ايىرىلدى.
ۇكىم زاڭدى كۇشىنە ەنگەن جوق.
