وقىس وقيعا تۋرالى Kabar.kg. اقپاراتتىق اگەنتتىگى جازدى. پوليتسيانىڭ مالىمەتىنشە وقۋشىلار رەسپۋبليكالىق بايقاۋ اياسىندا “ماناس” ەپوسىن ورىنداپ, سايىسقا ءتۇسۋى كەرەك بولعان. ءدال وسى كەزدە HYUNDAI Porter شاعىن جۇك كولىگى بەلگىسىز سەبەپتەرمەن تومەنگە قاراي قۇلديلاپ, كيىز ۇيگە سوعىلعان.
زارداپ شەككەندەر - 9 بەن 16 جاس اراسىنداعى جاسوسپىرىمدەر. ولاردىڭ جەتەۋى اۋداندىق اۋرۋحاناعا جاتقىزىلعان. ۇشەۋىنىڭ جاعدايى اۋىر. تاعى ءۇش بالا سوزاق اۋداندىق اۋرۋحاناسىندا ەم قابىلداپ جاتىر. سەگىزى ورتالىق اۋرۋحاناعا جاتقىزىلعان. ولاردىڭ جاعدايى ورتاشا اۋىر دەپ باعالانىپ وتىر.
ال 11 بالاعا اپات ورنىندا مەديتسينالىق كومەك كورسەتىلىپ, كەيىن ولار امبۋلاتوريالىق ەمگە جىبەرىلدى.
