بۇل مەرەكە 1995 جىلدىڭ 18 قازانىندا قازاقستان رەسپۋبليكاسى پرەزيدەنتىنىڭ جارلىعىمەن باستاۋ الىپ, 1996 جىلدان باستاپ تويلانا باستادى. اتالمىش مەرەكەگە جىل سايىن ەلىمىزدىڭ اۋماعىندا تۇرىپ جاتقان ۇلت پەن ۇلىس وكىلدەرى ءبىر شاڭىراق استىندا, تاتۋ-ءتاتتى, بەرەكە مەن بىرلىكتە تۇرىپ جاتقاندارىن تويلايدى. بۇل - دوستىقتىڭ, بىرلىكتىڭ جانە جاسامپازدىقتىڭ سيمۆولى!
ۇلت پەن ۇلىستىڭ ىنتىماعىن دارىپتەيتىن بۇل مەرەكەنىڭ قادىر-قاسيەتىن قازاق حالقى وتە جاقسى بىلەدى. سەبەبى, زاماننىڭ قيىن قىستاۋ كۇندەرىنە قاراماستان, ءبىزدىڭ قازاق حالقى وزگە ۇلت وكىلدەرىن ءبىر ءۇيدىڭ بالاسىنداي قابىلداپ تۋىس-باۋىرداي بولىپ كەتتى. وسى ورايدا اتالمىش مەرەكە قارسانىندا كوپتەگەن ۇلت وكىلدەرى قازاق حالقىمەن تاتۋ-ءتاتتى ءبىر شاڭىراق استىندا ءومىر ءسۇرىپ جۇرگەنىنە العىسىن جەتكىزەدى.
بۇگىندە بۇل مەرەكە قارسانىندا ەلىمىزدىڭ ايبىنى بولعان قر ۇلتتىق ۇلانىنىڭ اسكەري قىزمەتكەرلەرى حالقىمىزعا ءوز قۇتتىقتاۋلارىن جەتكىزەدى. وسى ورايدا ءبىز ەل ايبىنى بولعان ۇلتتىق ۇلاننىڭ «باتىس» وڭىرلىك قولباسشىلىعىنىڭ اسكەري قىزمەتكەرلەرىءنىڭ قۇتتىقتاۋلارىن سىزدەرگە جەتكىزۋدى ءجون سانادىق.
ەڭ العاشقى بولىپ ءوزىنىڭ ىستىق ءىلتيپاتىن بىلدىرگەن «باتىس» وڭىرلىك قولباسشىلىعى قولباسشىسىنىڭ تەحنيكا جانە قارۋ-جاراق جونىندەگى ورىنباسارى پولكوۆنيك مۋحاتاەۆ ۆيكتور اسانوۆيچ.
ء«بىزدىڭ مەملەكەتىمىزدىڭ تاۋەلسىزدىك جىلدارىنداعى باستى جەتىستىكتەرىنىڭ ءبىرى - ەلىمىزدىڭ حالىقتارىنىڭ ۇلتارالىق كەلىسىمى مەن ءوزارا تۇسىنىستىگى جانە سىيلاستىعى. ەلىمىزدە حالىقتار اراسىنداعى دوستىق پەن بىرلىك ۇعىمى وتە جاقسى باعالانادى. ەلىمىزدىڭ كوپۇلتتىلىعى مەن حالىقتار اراسىنداعى دوستاستىعى - ەلىمىزدىڭ باستى بايلىعى مەن ەرەكشەلىكتەرىنىڭ ءبىرى. سول سەبەپتى دە ەلىمىزدىڭ تۇڭعىش پرەزيدەنتى 1 مامىردى قازاقستان حالقىنىڭ بىرلىگى كۇنى دەپ بەكىتكەن بولاتىن. وسى مەرەكە قارسانىندا ەلىمىزدەگى بارشا حالىقتى قۇتتىقتاي وتىرا, ىنتىماقتاستىق پەن ءبىرلىكتىڭ نىعايۋىن تىلەيمىن. ەلىمىزدە بەرەكە مەن بىرلىك ارقاشان ارتا بەرسىن», دەدى ول.
ال ەكىنشى بولىپ «باتىس» وڭىرلىك قولباسشىلىعىنىڭ 5517 اسكەري ءبولىم كومانديرىءنىڭ تىل جونىندەگى ورىنباسارى دانكو راسيم ۆيكتوروۆيچ قۇتتىقتادى.
كەلەسى كەزەكتە «باتىس» وڭىرلىك قولباسشىلىعىنىڭ جاۋىنگەرلىك دايىندىق باسقارماسىنىڭ اعا وفيتسەرى پودپولكوۆنيك چۋلكين اناتولي اناتولەۆيچ.
