«جاسىل ەل» جاستار ەڭبەك جاساعىنىڭ مۇشەلەرى «تۋعان قالاڭا اعاش سىيلا!» اكتسياسى اياسىندا «ترياتلون» ساياباعىندا 60 جاس تەرەك وتىرعىزسا, «اناعا تاعزىم» ورتالىعىنىڭ اينالاسىنا قۇرىلىس كومپانيالارى 25 شىرشا, التىن وردا شاعىن اۋدانىنداعى مۇستافا شوقاي جانە حالەل دوسمۇحامەدوۆ اتىنداعى كوشەلەردىڭ بويىنا وبلىستىق باسقارمالار مەن قالالىق بولىمدەردىڭ قىزمەتكەرلەرى 650 تۇت اعاشىن وتىرعىزدى.
سەنبىلىك جەكسەنبىدە دە جالعاسىپ, وبلىستىق سوتتىڭ سۋديالارى مەن دەپارتامەنت قىزمەتكەرلەرى عيمارات جانىنداعى گۇلباقتاردى قوقىستان تازارتىپ, ارىق-اتىزداردى رەتكە كەلتىردى. بۇل كۇندەرى اۋدان تۇرعىندارى دا كوگالداندىرۋ جۇمىستارىنا ەرەكشە ىنتامەن كىرىستى. ماسەلەن, شالقار اۋدانىنىڭ ورتالىعىندا 20 گەكتار اۋماققا اعاش كوشەتتەرى وتىرعىزىلىپ, ەكىنشى دۇنيەجۇزىلىك سوعىستىڭ مايدانگەرى ءى.ۇرگەنىشباەۆ ەسكەرتكىشىنىڭ اينالاسى اباتتاندىرىلدى. قوبدا اۋداندىق ارداگەرلەر كەڭەسىنىڭ مۇشەلەرى اعاش وتىرعىزۋ اكتسياسىندا جاستارعا ۇلگى بولدى. اقتوبەلىك دارىگەرلەر مەن كىشى مەديتسينا قىزمەتكەرلەرى اۋرۋحانالار مەن ەمدەۋ مەكەمەلەرىنىڭ اۋلاسىنا 1 500 كوشەت وتىرعىزدى. جالپى, ءساۋىردىڭ سوڭعى ونكۇندىگىنەن بەرى اقتوبە قالاسىنداعى كوپىرلەر, بەلگىلەر, قورشاۋلار, ايالدامالار, ەسكەرتكىشتەر شاڭ-قوقىستان تازارتىلىپ, جۋىلدى.
اقتوبە وبلىسى
