فوتو: atameken.kz
بۇگىن وكق الاڭىندا وتكەن اپتالىق بريفينگتە ايبەك سماديار مۇنداي فاكتىلەردىڭ سانى ونعا جەتپەيتىنىن ايتتى. سونداي-اق كورشى مەملەكەتتە جازاسىن وتەپ جاتقانداردىڭ باسىم بولىگى ناشاقورلىق بابى بويىنشا ايىپتالعان.
زاڭ بويىنشا ازاماتتار قاي ەلدە ءجۇرىپ ءتارتىپ بۇزسا, سول ەلدىڭ زاڭىنا ساي جازالانۋى كەرەك.
«بۇل ازاماتتار زاڭسىز جۇمىستى Telegram-ارنالاردان نەمەسە الەۋمەتتىك جەلىدەن تاپقان. ولار قايدا باراتىنىن, قانداي ىسپەن اينالىسۋ كەرەك ەكەنىن ءبىلدى. ءبىزدىڭ كونسۋلدار ولارمەن بايلانىس ورناتقان, بىرنەشە رەت كەزدەسۋ وتكىزگەن. رەسەي تۇرمەسىندە وتىرعان قازاقستاننىڭ ءبىر دە ءبىر ازاماتى سوعىسقا اتتانعان جوق. مۇنى 100 پايىز راستاي الامىز. ادام قاي ەلدە زاڭ بۇزسا, سول ەلدىڭ زاڭىمەن جاۋاپ بەرۋى كەرەك. جازا بەلگىلەنىپ, تۇرمەگە اۋىسقان سوڭ پروكۋراتۋرا ىسكە كىرىسىپ, ءبىزدىڭ ەلدە جازاسىن وتەۋگە عانا اۋىستىرا الادى. ءبىزدىڭ سوتپەن ولاردى سوتتاي المايمىز. الەۋمەتتىك جەلىلەردە جۇمىس ۇسىنىپ جاتسا, مۇقيات تەكسەرىپ, قاۋىپسىزدىك شارالارىن ەستەن شىعارماۋعا شاقىرامىز», دەپ جاۋاپ بەردى ايبەك سمادياروۆ .
