اعاش ەگۋگە وبلىس اكىمى ەرماعانبەت بولەكپاەۆ تا قاتىستى.
«پرەزيدەنتتىڭ باستاماسىمەن ەلىمىزدە «تازا قازاقستان» ەكولوگيالىق اكتسياسى باستالدى. بۇل ءبىر كۇندىك اكتسيا ەمەس, ول ۇزاق مەرزىمگە سوزىلماق. وبلىسىمىزدىڭ تۇرعىندارى اۋماقتاردى تازالاۋعا, كوگالداندىرۋعا بەلسەندى قاتىسىپ جاتىر. ايماقتاعى بارلىق اۋدان مەن قالادا اعاش ەگىلىپ جاتىر. بۇل جۇمىس ءالى دە جالعاسادى. تەك قاراعاندى بويىنشا 90 مىڭنان استام اعاش ەگىلەدى. كيرزاۆود اۋدانىندا ورمان القابىن قالپىنا كەلتىرۋ جوسپارلانعان. بەلسەندىلىك تانىتقاندارىڭىز ءۇشىن راحمەت», دەپ ءوڭىر باسشىسى تۇرعىندارعا العىسىن ءبىلدىردى.
يگى ىسكە ءاليحان بوكەيحان اۋدانى مەكتەپتەرىنىڭ ديرەكتورلارى دا ءوز ۇلەسىن قوستى.
«كوكتەمنىڭ باستالۋىمەن بىزدە قالا مەن وبلىس بويىنشا ءاردايىم سەنبىلىكتەر وتەدى.ء بىز بۇل ءىس-شارالاردان شەتتە قالمايمىز. بۇگىن ءبىز ديرەكتورلار كورپۋسىمەن ساياباقتا اعاش ەگەمىز, ال اتا-انالار قاۋىمى, مۇعالىمدەر مەن وقۋشىلار مەكتەپ اۋماعىن كوگالداندىرۋمەن اينالىسادى. بارلىق اعاش تامىر جايىپ, قالامىزدىڭ تۇرعىندارىن قۋانتادى دەپ ۇمىتتەنەمىز», دەدى №85 مەكتەپ ديرەكتورى سالتانات تۇرسىنوۆا.
ۇلكەندەرمەن بىرگە بالالار دا اعاش ەكتى.
«مەن ءبىزدىڭ ساياباقتىڭ تازا, جاقسى جانە ادەمى بولعانىن قالايمىن. اعاممەن بىرگە كەلدىم. ۇلكەندەرگە كومەكتەستىم, كوشەتتەر ەككەن شۇڭقىرلارعا توپىراق سالىپ وتىردىم. ءوزىم ءبىر اعاش ەكتىم. ەندى ساياباققا ءجيى بارىپ, ونىڭ قالاي ءوسىپ جاتقانىن باقىلاپ تۇرامىن», دەيدى 7 جاستاعى ارسەني وبەرت.
وسى جىلدىڭ كوكتەمىندە ءاليحان بوكەيحان اۋدانىنا 10 مىڭنان استام ءتۇرلى اعاش ەگىلەدى.
سونداي-اق قاراعاندىدا اۋەجاي اۋدانىندا 1 000 تەرەك ەگىلدى.
اكتسياعا 300-دەن استام ادام – اكىمدىك وكىلدەرى, دەپۋتاتتار, ەكولوگيالىق قوزعالىس ەرىكتىلەرى, قاراعاندى ۋنيۆەرسيتەتىنىڭ ستۋدەنتتەرى, قاراعاندى اكادەمياسىنىڭ كۋرسانتتارى قاتىستى.
اعاش ەگۋ ناۋقانى «تازا قازاقستان» رەسپۋبليكالىق ەكولوگيالىق اكتسياسى اياسىندا ءوتتى. الداعى ۋاقىتتا كوشەتتەرگە كۇتىم جاسالادى.
قاراعاندى وبلىسى
