فوتو: قر ءباسپاسوز قىزمەتى
ۇقك ۇسىنعان اقپاراتقا سايكەس, 2024 جىلعى 17 ساۋىردە ۆەدومستۆونىڭ الماتى وبلىسى بويىنشا دەپارتامەنتى ەسىرتكى زاتتارىن وندىرەتىن جاسىرىن زەرتحانا ارەكەتىنىڭ جولىن كەستى.
ء«تىنتۋ بارىسىندا شامامەن 35 كگ سينتەتيكالىق ەسىرتكى, 500 ليتر پرەكۋرسورلار جانە زەرتحانالىق جابدىق الىندى. وسى قىلمىستى جاسادى دەگەن كۇدىكپەن قازاقستان ازاماتى ۇستالدى. قىلمىستىق كودەكستىڭ 297-بابى 3-بولىگى بويىنشا سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر», دەلىنگەن ۆەدومستۆا اقپاراتىندا.
ۇستالعان ادامعا قاتىستى سوت سانكتسياسىمەن قاماۋدا ۇستاۋ تۇرىندەگى بۇلتارتپاۋ شاراسى تاڭدالدى. وزگە اقپارات جاريالانۋعا جاتپايدى.
