فوتو: senate.parlam.kz
«سۋ باسقان جەرلەر استىق ەگەتىن وڭىرلەرگە تيەسىلى بولعاندىقتان, كوكتەمگى ەگىس ناۋقانىن دۇرىس وتكىزۋگە قاتىستى سۇراقتار تۋىنداپ وتىر. قازىردىڭ وزىندە ەگىن سالۋ مەرزىمىنىڭ ۇزارىپ كەتۋ قاۋپى بار. ال باۋ-باقشا, كوكونىس وسىرۋشىلەردىڭ, ساياجاي سەرىكتەستىكتەرىنىڭ جاعدايى وتە ناشار. ولاردىڭ تەحنيكالارى, سۋارۋ جۇيەلەرى مەن ترانسفورماتورلارى زاقىمدالدى, جىلىجايلار بۇزىلدى, القاپتارى سۋ استىندا قالعانىن كورىپ وتىرمىز. جەدەل دەرەكتەر بويىنشا, اقتوبە, قوستاناي, سولتۇستىك قازاقستان وبلىستارىندا 200 تونناعا جۋىق تۇقىم قويمالارىن سۋ باسقان. وكىنىشكە قاراي, اۋىل شارۋاشىلىعى مينيسترلىگى ءالى كۇنگە دەيىن ەلىمىزدەگى سۋ استىندا قالعان ەگىستىك تۋرالى ناقتى مالىمەت بەرگەن جوق», دەدى سەنات دەپۋتاتى.
سەناتور مال شارۋاشىلىعىنىڭ شىعىنى مەن اسا قاۋىپتى ينفەكتسيالاردىڭ پايدا بولۋ قاۋپىنە, سۋ تاپشىلىعىنىڭ الدىن الۋعا قاتىستى ماسەلەلەرگە الاڭداۋشىلىق ءبىلدىردى. ارمان وتەعۇلوۆ وسىعان بايلانىستى ەلىمىزدىڭ پرەمەر-مينيسترىنەن اعىمداعى ماسەلەلەر بويىنشا مالىمەت بەرۋدى سۇرادى.
«بۇگىنگى كۇنى سۋ باسقان وڭىرلەردەگى زارداپ شەككەن ەگىستىكتىڭ كولەمى قانداي؟ قانشا ەگىستىك تاسقىننىڭ سالدارىنان اينالىمنان شىقتى؟ فەرمەرلەر بيىل ەگىن ەگۋگە ۇلگەرە الا ما؟ ەگىن ەگىپ ۇلگەرمەگەن شارۋالارعا الاتىن پايداسى قالاي وتەلەتىن بولادى؟ شىعىن بولعان مال باسىن تولتىرۋدىڭ تەتىگى بار ما؟ قانشا اۋىل شارۋاشىلىعى تەحنيكاسى سۋعا كەتىپ, ىستەن شىقتى, ولاردى قالپىنا كەلتىرۋ جۇمىستارى قالاي جۇرگىزىلەدى؟», دەپ سۇرادى سەناتور ارمان وتەعۇلوۆ.
