ەلدىڭ بارلىق مەكتەبىندە بىرىڭعاي سىنىپ ساعاتى وتەدى

بيىلعى وقۋ جىلىنىڭ ۇزاقتىعى 34 اپتانى قۇرايدى, وقۋ 25 مامىردا اياقتالادى.

«سۋ تاسقىنى جاعدايىنا جانە 25 مامىردىڭ دەمالىس كۇنىنە سايكەس كەلۋىنە بايلانىستى 24 مامىر كۇنى بارلىق مەكتەپتە 2023-2024 وقۋ جىلىنىڭ اياقتالۋىنا ارنالعان سىنىپ ساعاتى ۇيىمداستىرىلادى. وندا سىنىپ جەتەكشىلەرى وقۋشىلارمەن بىرگە وتكەن وقۋ جىلىن قورىتىندىلايدى. سۋ تاسقىنى بولعان وڭىرلەردەگى ساباق قاشىقتان ۇيىمداستىرىلعان بالالار ءۇشىن سىنىپ ساعاتتارى ونلاين فورماتتا وتەدى», دەدى تاربيە جۇمىسى جانە قوسىمشا ءبىلىم بەرۋ دەپارتامەنتى ديرەكتورىنىڭ ورىنباسارى قارلىعاش قۇرمانبەكوۆا.

11 (12) سىنىپ تۇلەكتەرىنە اتتەستات تاپسىرۋ جانە ەرەكشە ۇلگىدەگى «التىن بەلگىمەن» ماراپاتتاۋ 19-22 ماۋسىم ارالىعىندا مەكتەپتەردەگى بارلىق ەمتيحان اياقتالعاننان كەيىن وتەدى. 

ايتا كەتەيىك, 9-11 سىنىپ تۇلەكتەرىنىڭ قاۋىپسىزدىگىن جانە ەمتيحاندارعا ساپالى دايىندىعىن قامتاماسىز ەتۋ ماقساتىندا اقشا جيناۋعا, سالتاناتتى ءىس-شارالار, بانكەتتەر ۇيىمداستىرۋعا جانە اۆتوموبيلدەرمەن شىعۋعا تىيىم سالىنادى.