فوتو: تجم
«تابيعات اپاتىن ەڭسەرەتىن كۇن الىس ەمەس. توپان سۋ كەتكەن سوڭ ودان زارداپ شەككەن ايماقتار قالپىنا كەلتىرىلەدى. ەڭ الدىمەن, ازاماتتارعا شىعىندارىن وتەۋ ءۇشىن ءتيىستى وتەماقى تولەنەدى. ءۇي-جاي قۇرىلىسى باستالادى, باسپانا بەرىلەدى, ب ۇلىنگەن ينفراقۇرىلىم جوندەلەدى. وسى قىرۋار جۇمىس وتە از ۋاقىتتا, ياعني جاز بەن كۇزدىڭ 5-اق ايىندا اياقتالۋعا ءتيىس», دەدى مەملەكەت باسشىسى قازاقستان حالقى اسسامبلەياسىنىڭ ءحححىىى سەسسياسىنىڭ وتىرىسى بارىسىندا.
سونىمەن قاتار پرەزيدەنت زارداپ شەككەن ءار شاڭىراققا ءبىر رەتتىك كومەك بەرىلەتىنىن اتاپ ءوتتى.
«الاپات تاسقىننىڭ كەسىرىنەن مىڭداعان ادام مال-مۇلكىنەن ايىرىلىپ, تابىسسىز قالدى. سوندىقتان مەملەكەت ازاماتتاردى قولداۋ ءۇشىن ناقتى شارالار قابىلداپ جاتىر. بۇدان بولەك, شىعىندى ساناعاننان كەيىن جويىلعان نەمەسە زاقىمدالعان م ۇلىك ءۇشىن دە وتەماقى بەرىلەدى. مەملەكەت ب ۇلىنگەن باسپانالاردى جوندەيدى, قيراپ قالعان ۇيلەردىڭ ورنىنا جاڭاسىن سالادى. تاسقىننان كەيىن اۋىلدار جاڭا كەلبەتكە يە بولادى», دەدى ەل پرەزيدەنتى.
مەملەكەت باسشىسىنىڭ ايتۋىنشا, قۇرىلىس سالاتىن جەردى تاڭداعاندا ەلدى مەكەننىڭ گيدرولوگيالىق جانە گەوگرافيالىق ەرەكشەلىگىن قاپەردە ۇستاعان ابزال.
«وزەن جاعاسىنا ءۇي سالۋ قاۋىپتى, ونى قايتادان سۋ شايىپ كەتۋى مۇمكىن ەكەنىن ەسكەرگەن ءجون. اكىمدىكتەر ءتيىستى ەرەجە تالاپتارىن قاتاڭ ساقتاۋعا ءتيىس. الداعى اۋقىمدى قۇرىلىس جۇمىستارى جۇرتقا جاڭا مۇمكىندىكتەر بەرەدى دەپ ويلايمىن», دەدى ق.توقاەۆ.
