فوتو: kfb.kz
بوكستان قازاقستان قۇراماسىنىڭ باس باپكەرى مىرزاعالي ايتجانوۆ بىرلەسكەن جاتتىعۋ جيىنىن جوعارى باعالادى.
باپكەردىڭ ايتۋىنشا, ءار ەل سپورتشىلارىنىڭ جەكە جاتتىعۋ كۇنى بەلگىلەنگەن. تەك دۇيسەنبى, سارسەنبى, جۇما كۇندەرى بەس ەل بوكسشىلارى رينگتە جۇزدەسكەن.
«رينگتىڭ سىرتىندا بوكسشىلار ءبىر-بىرىمەن دوس ەكەنىن ۇمىتپايدى. بۇل - سپورتتىڭ قاعيداسى. باسەكەلەستىك بار, شارشى الاڭدا ءبىرىن-ءبىرى ايامايدى. كەشە زالدىڭ ءبىرازى قان بولدى. سپورتشىلاردىڭ مۇرىندارى, قاباعى قانادى. جاتتىعۋ بارىسىندا بوكسشىلار قارسىلاستارىن زەرتتەپ الادى. بۇل وليمپيادادا ءوز ناتيجەسىن بەرەدى دەپ ويلايمىن. مۇنداي جاتتىعۋ پراكتيكامىزدا ءبىرىنشى رەت ءوتىپ جاتقان جوق. سوناۋ ريو, لوندون وليمپياداسىنا وسىلاي دايىندالدىق. بۇعان دەيىن الەمنىڭ الپاۋىت بوكس دەرجاۆالارى برازيليا, كۋبا, رەسەي, انگليا, گەرمانيا, ۋكراينا سياقتى ەلدەرمەن تالاي بىرىككەن جاتتىعۋ جيىنى بولعان», دەدى مىرزاعالي ايتجانوۆ.
