كوشەت وتىرعىزۋ جۇمىستارى قاراعاندى قالاسىنىڭ 90-جىلدىعىنا جوسپارلانى وتىر.
بۇگىندە قوعام بەلسەندىلەرى مەن قالا ومىرىنە بەيجاي قارامايتىن ازاماتتار گۇلزارلارعا, ساياباقتار مەن ۇيلەردىڭ اۋلالارىنا كوشەت وتىرعىزىپ جاتىر.
ماسەلەن, قاراعاندىداعى مايقۇدىق ساياباعىندا «جاستار اللەياسى» اتتى جاڭا ساياباق اشىلىپ, 500 كوشەت وتىرعىزىلدى.
اكتسياعا قالالىق ءماسليحاتتىڭ حاتشىسى التىنتورە بوكەنوۆ قاتىسىپ, تۇرعىنداردى قالانى كوگالداندىرۋ مەن تازالاۋ جۇمىستارىنا قاتىسۋعا شاقىردى.
«اعاش ەگۋ – تەك ەكولوگياعا قامقورلىق جاساۋ عانا ەمەس, سونىمەن قاتار قورشاعان ورتامىزدى قورعاۋ مۇمكىندىگى», دەدى ول.
ايتا كەتەيىك, كوكتەمگى اعاش ەگۋ ناۋقانىندا قاراعاندىدا بارلىعى 3 مىڭ كوشەت ەگىلەدى.
ەكولوگيالىق اكتسياعا «وتراجەنيە» قوعامدىق ەكوقوزعالىسىنىڭ وكىلدەرى, قوعام بەلسەندىلەرى مەن قالا تۇرعىندارى قاتىستى.
«بۇگىن جاستارمەن بىرگە تەمىرتاۋ ەكولوگياسىن جاقسارتۋعا ءوز ۇلەسىمىزدى قوستىق. قالانى كوگالداندىرۋمەن ءتورتىنشى جىل قاتارىنان اينالىسىپ كەلەمىز. ءبىز اعاشتارعا كۇتىم جاساۋ جاۋاپكەرشىلىگىن ءوز موينىنا الاتىن تۇرعىندارعا كوشەت تاراتامىز. ءۇش جىلدىڭ قورىتىندىسىنا سايكەس, جەلەكتەردىڭ جەرسىنۋ دەڭگەيى 90%-دى قۇراعانىن كورىپ وتىرمىز. دەمەك, ءبىزدىڭ تۇرعىندار اعاشتاردى كۇتۋگە جاۋاپكەرشىلىكپەن قارايدى», دەيدى ەكوبەلسەندىلەردىڭ جەتەكشىسى ەلەنا ۆارگانوۆا.
تەمىرتاۋدا 5 مىڭنان استام اعاش ەگۋ جوسپارلانىپ وتىر, بۇگىن 670 اعاش ەگىلدى.
تەرەكتەر اباي داڭعىلىندا دا ەگىلدى. قالا كوشەلەرىنە 150 كوشەت ەگىلدى.
سونداي-اق قارقارالىدا 200 قاراعان, تەرەك جانە قاراعاش كوشەتتەرى ەگىلدى.
قاراعاندى وبلىسىندا «تازا قازاقستان» اۋقىمدى ەكولوگيالىق اكتسياسى 13 مامىرعا دەيىن جالعاسادى.
