2024 جىلدىڭ 16-17 ساۋىرىندە قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتى مادەنيەت ورتالىعىنىڭ ءماجىلىس زالىندا قر مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ قولداۋىمەن «رۋحاني جاڭعىرۋ» قوعامدىق قورىنىڭ ۇيىمداستىرۋىمەن ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. وعان ء«دىن زەرتتەۋ ورتالىعىنىڭ», مەشىتتەردىڭ, ورتا جانە جوعارى وقۋ ورىندارىنىڭ ماماندارى, يمامدارى, پسيحولوگتارى مەن تەولوگتارى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – زاڭ عىلىمدارىنىڭ پروفەسسورى. قر تەرروريزم جانە ەكسترەميزم ماسەلەلەرىن زەرتتەۋ ورتالىعىنىڭ قق باسشىسى كاكىمجان بيشمانوۆ جانە تەاتر پەداگوگى, كوركەمسوز وقۋ شەبەرى, جوعارى كاتەگوريالى كاسىبي ديكتور مۇرات ابزەلباەۆ ءدارىس وقىدى.
كاكىمجان بيشمانوۆ «قازاقستاننىڭ ءدىن تۋرالى زاڭناماسى. زايىرلىلىق – مەملەكەتتىك جۇيەنىڭ جانە ۇلتتىق قاۋىپسىزدىك تۋرالى تۇعىرى, ءدىني سەنىم بوستاندىعى تۋرالى تۇسىنىك» تاقىرىبىندا جاھاندىق جاعدايداعى تەرروريزم مەن ءدىني ەكسترەميزمگە قارسى كۇرەستىڭ قۇقىقتىق نەگىزدەرىن توقتالا وتىرىپ, كەلەسى كەزەكتە «زايىرلىلىق جانە زايىرلىلىق مەملەكەت ۇعىمى, ءۇنى, سيپاتى, ءمانى. زايىرلىلىق جانە ءدىني زايىرلىلىق ەتيكا نەگىزدەرى» تاقىرىبىندا ءدىن سالاسىنداعى مەملەكەتتىك ساياساتتىڭ نەگىزگى باعىتتارىن, پرينتسيپتەرىن ءتۇسىندىردى.
مۇرات ابزەلباەۆ ء«تىل تەحنيكاسى. ءسوز ارەكەتىنىڭ ەلەمەنتتەرى. وراتورلىق ونەردىڭ نەگىزدەرى» تاقىرىبىندا سويلەۋ تەحنيكاسىن مەڭگەرۋدىڭ ءتيىمدى جولدارىن اتاپ ءوتىپ, دۇرىس تىنىس الۋدى, ءۇننىڭ قۇلاققا جاعىمدى, ءسوزدىڭ, بۋىننىڭ اشىق, ايقىن بولۋىنا سەپتىگىن تيگىزەتىن تاسىلدەرىن ءبولىستى.
سونىمەن قاتار وقىتۋ بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, ءماندى جاۋاپتار الىندى.
