توتەنشە جاعدايلار مينيسترلىگى وتكەن تۇندە, ساعات 2:47-دە جايىق وزەنىندەگى سۋ دەڭگەيى 858 سم-گە جەتكەنىن حابارلاعان ەدى.
«قازگيدرومەت» رمك بقو فيليالى 22 ءساۋىر 08:00-دەگى جاعداي بويىنشا سۋ 860 سم-گە جەتكەنىن مالىمدەدى.
ال كوشىم كانالىندا سۋ دەڭگەيى 18 سم-گە كوتەرىلىپ, 851 سم-گە جەتىپ, قاۋىپتى شەكتەن (850 سم) 1 سم-گە استى. اقجايىق اۋدانىنداعى تايپاق اۋىلى تۇسىندا 521 سم-گە جەتىپ, شەكتى دەڭگەيدەن 7 سم اسقانى بايقالدى. سونداي-اق چۋۆاشين اۋىلىندا شاعان وزەنى 9 سم-گە كوتەرىلدى. قازىر وزەندەگى سۋ مولشەرى 740 سم, قاۋىپتى شەگى – 1 300 سم.
بايتەرەك اۋدانى يانۆارتسەۆ اۋىلى تۇسىندا جايىق وزەنىنىڭ دەڭگەيى 2 سم-گە ءتۇستى.
كەيىنگى تاۋلىكتە ورال قالاسىنىڭ ماڭىنداعى سۋ باسقان ساياجاي ۋچاسكەلەرىنەن قۇتقارۋشىلار ونداعان ءۇي جانۋارلارىن ەۆاكۋاتسيالادى. ۆەتەرينارلىق ينسپەكتسيا قىزمەتكەرلەرى مىسىق پەن يتتەردى پيتومنيكتەرگە جەتكىزدى.
