2018 جىلى جەر تەلىمىن الاتىن تۇرعىنداردىڭ تىزىمىنە العاش بولىپ جازىلعان ەرجان دوسمۇراتوۆ بولاتىن. اۋىل اكىمىنە ءوتىنىشىن جازىپ, قۇجاتتارىن وتكىزىپ تە قويعان. بىراق ءىس تىم سوزىلىپ كەتتى. قازىر ءوزى دە سىرقاتتانىپ, توسەك تارتىپ جاتىر.
جەر تەلىمىن الۋدان دامەلى ەرجان دوسمۇراتوۆتان وزگە اۋىل تۇرعىندارى قازىر توبە باسىنا جينالىپ, ءوزارا قىزىلكەڭىردەك بولۋمەن كەلەدى. ارقايسىسىنىڭ كوكەيىندە قالاۋىنا قاراي يەمدەنىپ العان ءوز جەرى بار.
اۋىل اكىمى رۇقسات بەرگەن دەگەن ءبىر اۋىز ءسوزدى نەگىز ەتىپ, جۇرتتىڭ الدى بوس جاتقان جەردى قورشاپ الىپ جاتىر. ونىڭ ناقتى ولشەمىن ەشكىم دە بىلمەيدى. اركىم قالاۋىنشا قازىق قاعىپ العان. ال ەڭ سوراقىسى مىنا جەرگە جول توسەلەدى, ال مىنا اۋماققا ينفراقۇرىلىم جەلىسى تارتىلادى دەگەن جوسپار دا جاسالماعان.
ازىرگە بۇل ايماقتان 17 ادام جەر الماق نيەتتە. بىراق ەشبىرى جەر كەزەگىنە تۇرماعان. ويتكەنى مۇنداي ءتىزىمنىڭ ءوزى جوق.
ال اكىمگە سەنىمى جوعالعاندار بەرگەن اقشالارىن داۋلاي باستادى. ايتۋلارىنشا, ونىڭ ورىنباسارىنا كەزىندە 60 مىڭنان باستاپ 100 مىڭعا دەيىن اقشا بەرگەن.
اكىم ورىنباسارى ەلدىڭ ايىپتاۋىن جوققا شىعارا المادى.
اكىمنىڭ ايتۋىنشا, باس جوسپار جاسالىپ, قازىر ەلدى مەكەندى گەوپورتالعا ەنگىزۋ جۇمىسى ءجۇرىپ جاتىر. جەر تەلىمىن ءبولۋ ەندى باستالماق. سونداي-اق قازىنادان بولىنگەن 216 ميلليون تەڭگەگە ەلەكتر باعانالارى مەن ترانسفورماتور ورناتۋ ءىسى دە بيىل قولعا الىنادى.
