فوتو: تۇرار قازانعاپوۆ
مىڭداعان ازامات قىزىل سۋدان زارداپ شەككەندەرگە مۇمكىندىگىنە قاراي قاراجات جىبەرىپ جاتىر. ولاردىڭ قاتارىندا قازاقستان ازاماتتارى, شەتەلدىكتەر, شەتەلدىك كومپانيالار بار. كەيبىر ازاماتتاردىڭ كومەگى 1 ميلليون تەڭگەگە جەتەدى. ەكونوميكانىڭ ءارتۇرلى سالالارىنىڭ كوپتەگەن ۇيىمدارى ءبىر كۇندىك جالاقىلارىن جىبەردى - بۇل مەملەكەتتىك ورگاندار مەن كاسىپورىندار, مەملەكەتتىك جانە ۇلتتىق كومپانيالار, جەكە ۇيىمدار مەن جەكە كاسىپكەرلەر.
«قۇرىلىس, كولىك جانە لوگيستيكا سەكتورلارىنىڭ كومپانيالارى ءىرى ماقساتتى سالىمدار جاسادى: B&A Contractors SA, Mabco Constructions S.A., Eastcomtrans, Otau-Stroy, KazVagonBuilding. «قازاقستان حالىق بانكى», «دوستار» كومپانياسى, KBI Energy Group جانە باسقالارى 950 ميلليون تەڭگە سالعان», دەلىنگەن «قازاقستان حالقىنا» قورىنىڭ ءباسپاسوز قىزمەتى ۇسىنعان اقپاراتتا.
وسى تۇستا «قازاقستان حالقىنا» قورى مەملەكەت باسشىسىنىڭ سۋ تاسقىنىنان زارداپ شەككەندەرگە كومەك كورسەتۋ جونىندەگى باستاماسىن قولداعان ازاماتتارعا العىس ءبىلدىردى.
