فوتو: تجم
اپاتتىڭ سەبەبىن انىقتاۋ ماقساتىندا ارنايى كوميسسيا قۇرىلدى. تەرگەۋ قورىتىندىسى بويىنشا توتەنشە جاعدايعا جۇمىس بەرۋشى كىنالى دەپ تانىلدى.
الايدا «مايقايىڭالتىن» اق بۇل شەشىمگە مويىنسۇنباي, استانا سوتىنا قارسى شاعىم ءتۇسىردى.
سوت ءىستى تەكسەرۋ بارىسىندا ويىقتىڭ پايدا بولۋ سەبەپتەرىن انىقتادى:
1. تالاپكەردىڭ جۇمىستى ەرەجەگە ساي ۇيىمداستىرماۋى; «مايقايىڭالتىن» اق جاۋاپتى تۇلعالارى تاۋ-كەن جۇمىستارىن جۇرگىزۋ بارىسىندا وندىرىستىك قاۋىپسىزدىكتى باقىلاماۋى;
2. تاۋ-كەن جانە گەولوگيالىق بارلاۋ جۇمىستارىن جۇرگىزەتىن قاۋىپتى وندىرىستىك وبەكتىلەر ءۇشىن ونەركاسىپتىك قاۋىپسىزدىكتى قامتاماسىز ەتۋ قاعيدالارىن بۇزا وتىرىپ, بلوكتاردى يگەرۋ كەزىندە جۇمىس ورىندارىنان قۇلاۋ پروتسەسىنە ءتيىستى باقىلاۋدىڭ بولماۋى;
3. تالاپكەردە كەن ورنىن يگەرۋ كەزىندە تاۋ-كەن اگرەگاتتارىن (بلوكتارىن) يگەرۋ جوبالارى بولماعان (ازىرلەنگەن جوق).
وسى جانە وزگە دە ءمان-جايلار سوتتا زەرتتەلگەن تەرگەۋ ماتەريالدارى, ونىڭ ىشىندە ساراپتاما ۇيىمدارى مەن كوميسسيالاردىڭ قورىتىندىسىمەن راستالادى.
«اپات «RCSH PVASS» جشس قىزمەتكەرلەرىنىڭ قىزمەتتىك مىندەتتەرىن ورىنداۋ كەزىندە, ياعني, جۇمىس ۋاقىتىندا بولدى. «مايقايىڭالتىن» اق جاۋاپتى تۇلعالارىنىڭ ارەكەتسىزدىگىنەن بولعان اپاتقا 100 پايىز تالاپكەر كىنالى دەپ تانىلدى. وسىعان بايلانىستى سوت توتەنشە جاعدايلار مينيسترلىگىنە قاراستى ەڭبەك كوميتەتى مەن ونەركاسىپتىك قاۋىپسىزدىك كوميتەتىنە قاتىستى تالاپ ارىزدى قاناعاتتاندىرۋدان باس تارتتى», دەپ حابارلادى استانا سوتىنىڭ ءباسپاسوز قىزمەتى.
سوت شەشىمى زاڭدى كۇشىنە ەنگەن جوق.
