فوتو: Jaiyq.press
باتىس قازاقستان وبلىستىق ءبىلىم باسقارماسىنىڭ مالىمەتىنشە, وڭىردەگى 13 ەۆاكۋاتسيالىق پۋنكتتە 948 بالا بولسا, ونىڭ 345-ءى مەكتەپ جاسىنا جەتپەگەن. ەۆاكۋاتسيالىق ورتالىقتا ستۋدەنتتەردىڭ ونلاين وقۋى ءۇشىن كومپيۋتەرلەر, قۇلاققاپتار جانە ينتەرنەتپەن جابدىقتالعان وقۋ كابينەتتەرى بار.
جايىق وزەنىنىڭ بويىندا ورنالاسقان اقجايىق, ءبورلى, تەرەكتى, بايتەرەك اۋداندارى مەن ورال قالاسىنداعى 103 مەكتەپتىڭ 75 مىڭنان استام وقۋشىسى قاشىقتان وقىتۋ فورماتىنا كوشىرىلدى.
سۋ تاسقىنى كەزىندە قاشىقتان وقىتۋعا كوشۋ ماسەلەسى بويىنشا اتا-انالار كوميتەتتەرىمەن ءتۇسىندىرۋ جۇمىستارى جۇرگىزىلىپ, سۇرانىستار نەگىزىندە وقۋشىلاردى قاجەتتى كومپيۋتەرلىك تەحنيكامەن قامتاماسىز ەتۋ ماسەلەسى پىسىقتالىپ جاتىر.
