فوتو: arasha.kz
ايىپتالۋشى جاڭاوزەن قالاسىنان شىمكەنتكە قىزدى الىپ قاشۋ ءۇشىن ارنايى بارعان.
جابىرلەنۋشى بەرگەن تۇسىنىكتەمە, سونداي-اق وقيعا ورنىن تەكسەرۋ حاتتاماسى مەن الىنعان بەينەجازبالاردى قاراۋ بارىسىندا سوتتالۋشىنىڭ كىناسى تولىق دالەلدەندى. ايىپتالۋشى دا ءوز كىناسىن مويىنداعان.
«قك-ءنىڭ 63-بابىنا سايكەس, جازا شارتتى دەپ بەلگىلەندى. جازا تاعايىنداۋ كەزىندە سوت اۋىرلاتاتىن ءمان-جايلاردىڭ بولماۋىن, جەڭىلدەتەتىن ءمان-جايلاردى ەسكەرىپ, ونىڭ كىناسىن تولىق مويىنداۋىن, جەكە باسىن, بۇرىن سوتتى بولماعانىن جانە جابىرلەنۋشىنىڭ سوتتالۋشىعا باس بوستاندىعىنان ايىرمايتىن جازا تاعايىنداۋدى سۇراعان پىكىرىن ەسكەردى. ۇكىم زاڭدى كۇشىنە ەنگەن جوق», دەلىنگەن شىمكەنت قالاسىنىڭ قىلمىستىق ىستەر جونىندەگى اۋدانارالىق سوتىنىڭ ءباسپاسوز قىزمەتى تاراتقان حابارلامادا.
