فوتو: اشىق دەرەككوزدەن
ءبىلىم بەرۋ نىساندارىن ىسكە قوسۋ ناتيجەسىندە وڭىرلەردە 48 مىڭ جاڭا وقۋشى ورنى پايدا بولدى. كوپشىلىگى ءىرى مەگاپوليستەردە جانە ولارعا جاقىن اگلومەراتسيالاردا ورنالاسقان.
«قور قازاقستاننىڭ ءبىلىم بەرۋ سالاسىنداعى جوبالاردى ىسكە اسىرۋ بويىنشا بەلسەندى جۇمىس ىستەپ جاتىر. قوردىڭ قىزمەتى مەكتەپتەر, ولارعا قوسىمشا قۇرىلىس نىساندارىن, ينتەرناتتار سالۋ, رەكونسترۋكتسيالاۋ ارقىلى ءۇش اۋىسىمدى, اپاتتى مەكتەپتەر مەن وقۋشى ورنىنىڭ جەتىسپەۋشىلىگىن جويۋعا باعىتتالعان. ماسەلەن, وسى جىلى 28 مىڭ وقۋشى ورنىنا ارنالعان تاعى 25 مەكتەپتى ىسكە قوسۋ جوسپارلانىپ وتىر», دەدى ينفراقۇرىلىمدى دامىتۋ دەپارتامەنتى ديرەكتورىنىڭ م.ا. مارلەن قاسەنوۆ.
ەستەرىڭىزگە سالا كەتەيىك, 2024 جىلدىڭ باسىندا ءبىلىم بەرۋ ينفراقۇرىلىمىن قولداۋ قورىنىڭ قاراجاتى ەسەبىنەن شامامەن 15 مىڭ ورىندىق تاعى 20 جاڭا مەكتەپ سالىناتىنى بەلگىلى بولدى.
