فوتو: aikyn.kz
بۇگىنگى تاڭدا الماتىدا 44 سوعىس ارداگەرى تۇرادى.
الماتى ءماسليحاتىنىڭ دەپۋتاتتارى VIII شاقىرىلعان ءماسليحاتتىڭ كەزەكتەن تىس XVI سەسسياسىندا قالا اكىمى ەربولات دوساەۆتىڭ ۇلى جەڭىستىڭ 79 جىلدىعىنا وراي سوعىس ارداگەرلەرىنە بىرجولعى تولەم مولشەرىن 2 ميلليون تەڭگەگە دەيىن ارتتىرۋ تۋرالى باستاماسىن ءبىراۋىزدان قولدادى.
ايتا كەتەيىك, جىل سايىن جەڭىس كۇنىنە وراي ارداگەرلەرگە 1 ميلليون تەڭگە كولەمىندە بىرجولعى الەۋمەتتىك تولەم تولەنەدى.
«الماتى قالاسى اكىمىنىڭ تاپسىرماسى بويىنشا ءبىز بىرجولعى الەۋمەتتىك كومەكتى 1 ميلليون تەڭگەگە ۇلعايتۋ تۋرالى شەشىم ەنگىزەمىز. بيىل ارداگەرلەر 2 ميلليون تەڭگە كولەمىندە بىرجولعى كومەك الا الادى», دەپ ءتۇسىندىردى الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باۋىرجان جاۋباسوۆ.
