«ناقتى ايتقاندا, گلۋبوكوە اۋدانىنداعى التايسكي جانە ۆەرحنەبەرەزوۆسكي كەنتتەرى اۋىل ساناتىنا جاتقىزىلادى. سمەتانينو, كالينينو اۋىلدارى مەن اۆرورا ستانتسياسى تاراتىلىپ, وزگە قونىستار ساناتىنا ەنگىزىلەدى. سمەتانينو – كوجوحوۆا ەلدىمەكەنىنە, كالينينو – التايسكي اۋىلىنا, اۆرورا ستانتسياسى – پرەدگورنوە اۋىلىنىڭ قۇرامىنا قوسىلادى», - دەدى Kazinform سايتىنا شقو اكىمىنىڭ اپپاراتى باسشىسىنىڭ ورىنباسارى مەرەي اسىلحانوۆ.
تارباعاتاي اۋدانى بويىنشا ساعىندىق, وتەگەن, جالعىزتوبە اۋىلدارى تاراتىلادى.
ساراپتاما كوميسسياسى مەن عىلىمي ساراپتاما قورىتىندىسى جاسالعان. ەندى جوبا «اشىق نقا» پورتالىنا شىعارىلادى.
