فوتو:pixabay.com
ىشكى ىستەر مينيسترلىگىنىڭ حابارلاۋىنشا, 29 جاستاعى ازامات «الماتى-دۋباي», «الماتى-پراگا» جانە «الماتى-گونكونگ» حالىقارالىق باعىتتارىندا جولاۋشىلاردىڭ مۇلكىن بىرنەشە رەت ۇرلاۋمەن اينالىسقان.
«ۇستالعان ازامات اۋەجايدىڭ ۋاقىتشا ساقتاۋ قويماسىندا جۇك تيەۋشى بولىپ جۇمىس ىستەپ, بيىلعى جىلدىڭ قاڭتار-ناۋرىز ارالىعىندا جالپى سوماسى 7 645 371 تەڭگە كولەمىندە ۇرلىق جاساعان. كولىك پوليتسەيلەرى ۇرلىق فاكتىلەرى بويىنشا جەدەل سوتقا دەيىنگى تەرگەۋ امالدارىن جۇرگىزىپ, ونىڭ بارىسىندا زاتتاي ايعاقتاردى الدى», دەپ حابارلادى ءىىم ءباسپاسوز قىزمەتى.
الماتى قالاسى تۇركىسىب اۋداندىق سوتىنىڭ ۇكىمىمەن قۇقىق بۇزۋشى بارلىق فاكتىلەر بويىنشا كىنالى دەپ تانىلىپ, ءۇش جىل التى ايعا سوتتالدى.
قىرمىزى جۇماعاليقىزى,
ەۇۋ ستۋدەنتى
