«ەلىمىزدە بولعان توتەنشە جاعداي بىزگە ءبىراز ساباق بەردى. اپاتتارعا كەز-كەلگەن ۋاقىتتا دايىن بولۋ - سونىڭ ءبىرى. اباي وبلىسىنىڭ اقسۋات, كوكپەكتى اۋداندارىندا الدىن الا جۇمىس جۇرگىزىلگەنى بايقالادى. ءيا, شىعىن جوق ەمەس, بار. بىراق, الىستىرمالى تۇردە كوپ كەسەلدەن امان. ساپار بارىسىندا تۇسىنگەنىم, ەڭ ءبىرىنشى جەرگىلىكتى باسشىلىق حالىقتى ۇيىمداستىرا ءبىلۋ كەرەك. ورتالىقتىڭ كومەگى كوزدى اشىپ-جۇمعانشا كەلە سالمايدى», دەپ جازدى دەپۋتات.
سونىمەن قاتار ونىڭ ايتۋىنشا, اباي وبلىسىنداعى جۇرت سۋدىڭ تاسۋىنا الدىن الا دايىندالعان.
«اباي وبىلىسىنداعى جۇرت سۋدىڭ تاسۋىنا دايىندالعانى كورىنىپ تۇر. بىرنەشە اۋىل ىرگەسىنە كەلگەن توپان سۋدى ءوز كۇشىمەن بۇرعان. ارينە, باسى-قاسىندا جەرگىلىكتى اتقامىنەرلەر ءجۇر. شىركىن, قازاقستاننىڭ ءار اۋدانىندا وسىنداي ۇيىمشىلدىق بولعاندا عوي... كوپ جاعدايدا جەرگىلىكتى اكىمدىكتىڭ قولىن جوقتىق بايلاعان. سوندا دا كورەگەن حالىق بىرلىك تانىتىپ, جۇمىلا ارەكەت جاساعان», دەدى زايتوۆ.
دەپۋتاتتىڭ ايتۋىنشا, ەندىگى كەزەكتە سۋدان زارداپ شەككەن حالىقتىڭ شىعىنىن ۋاقتىلى وتەپ, كەلەسى بولۋى مۇمكىن اپاتتارعا بارىنشا دايىندالۋ كەرەك.
ايتا كەتەيىك, AMANAT پارتياسى ەلىمىزدىڭ تۇپكىر-تۇپكىرىنە ءوز وكىلدەرىن جىبەرىپ, ءتيىستى جۇمىستاردى جۇرگىزىپ جاتىر.
